Shillong, Nohprah 01: Mynta ka sngi ka Joint Action Committee jong ka Hima Sohiong hapoh ka jingialam jong u bah Pruningstar Sabong kum u shongknor bad u bah Marchkupar Thabah general secretary kila phah da ka jingthoh sha u CEM jong ka KHADC ban dawa ba dei ban weng noh ia u bah Bashephang Thabah na ka kam kum u Lyngdoh ka hima Sohiong.
Ha ka shithi kaba kitei ki ar ngut kip hah sha u CEMjong ka KHADC kila buh ia ka jingnishan ba u Bashemphang Thabah, Lyngdoh Hima Sohïong u la leh ia ki kam pyrshah ïa ki khun ki hajar ka Hima Sohïong ha poh ka kyndon jong ka Section 6 jong ka the United Khasi Jaintia Hills Autonomous District (Appointment and Succession of Chiefs and Headmen) Acts, 1959 (as amended).
Ha kane ka jingdawa ban weng ia u Lyngdoh ka Hima Sohiong la don lang ruh kiwei kiba soi kyrteng na ki khun ki hajar bad ki daw kaba kila nishan ki long ba kum u Lyngdoh kumba la kdew ha ka shithi kaba 17/09/2019 la ai jingujor ïa ka jingleh donbor jong une u Lyngdoh ka Hima Sohïong halor ka jing dkhat bad aiti noh ïa ka shnat Hima Nongwah Mawtamur sha ka Hima Jirang khlem da ïoh da ka jingmynjur ka Dorbar Hima ka Hima Sohïong.
Halor katei ka jingkynnoh ka long kumba la pan jingtip lyngba ka RTI kaba Ref. No: JAC/Soh/RTI/08/2021-22/02 Dated 10/08/2021 ïa ka rukom shynshar khadar ha poh ka Hima Sohïong, une u Lyngdoh ula pyrshang shwa ban ym ai jubab. Ka dei tad hadien ba ngi la ai ujor sha ka Department Appellate Authority KHADC ba ngi sa ïoh ïa ki jubab kata ruh u ai hadien ka jingkhot hajir ïa u ha ka sien kaba ar.
Nalor katei ka jingkynnoh la don ruh kiwei kiwei ki jingkynnoh kiba ka JAC kala phah ha ka shithi sha u CEM jong ka KHADC bad la kynnoh ruh ba kum u Lyngdoh u la pynkhein ia ka kyndon 6 jong ka Sanat ba la ai da ka KHADC sha u kaba Dated Shillong, the 8th March, 1990 ha kaba la bthah ïa u ba u dei ban thaw ïa ka Budget, ïa ka jingmih bad jinglut jong ka Hima manla u snem hynrei kat kum kane ka RTI u thaw tang 4 snem ha kine ki 10 snem (2010-2020).
La kynnoh ruh ba u ne u Lyngdoh uba mynta ula duh noh ka jingshaniah na kiba bun ki khun ki hajar bad ngi ujor ruh hapoh ka Section 6(a), 6(b), 6(c) 6(f), 6(h), 6(i), bad 6(k) jong ka aiñ THE UNITED KHASI JAINTIA HILLS AUTONOMOUS DISTRICT (APPOINTMENT AND SUCCESSION OF CHIEFS AND HEADMEN) ACTS, 1959 (As Amended).
Halor ki tei ki daw baroh, ngi dawa ba ka Executive Committee jong ka KHADC ka dei ban sospon noh ïa u hapoh 10 sngi (ten days) naduh ba phi ïoh pdiang ïa kane ka shithi bad ban pynlong ïa ka jingjied thymmai ïa u Lyngdoh ka Hima Sohïong khnang ban ïoh da u nong shynshar uba biang na ka bynta ka lawei ka Hima Sohïong khnang ban ïaineh bad skhem ka shynshar Trai Ri Trai Muluk bad ka Shynshar Hima Sima ha poh ka Jaitbynriew.
