Dawa ka JACM ba ka Saikai Kompeny ka dei ban aiti ia ki 4 ngut ki draibar hapoh 30 sngi

Shillong, Jymmang 09: Palat hajar tuid ki paidbah sha ka jingiaid paidbah kaba la pynlong da ka Joint Action Committee jong ka Mawlai Pyllun mynta ka sngi na Mawlai Nongkwar bad pynkut sha Mawlai Mawroh ryngkat ka jingthang monbati  ban pynrem ia ka jingshah pyniap dusmon jong u Bah Dismarlin L Lyngkhoi ba na ka tnad Home Guard ba trei hapoh ka kudam jong ka FCI ha kaba la kynnoh ba ki drabar jong ka Saikia Company ha ka 24 tarik u bnai bala dep ha Mawsmai ha Ri Bhoi District.

U Bah Donboklang Kharlyngdoh u wei na ki nongialam jong ka JACM haba kren ha ki lad pathia khubor ha dien ka jingiaid paidbah u la ong ba ha ka dorkhas kaba kila ai sha u general manager jong ka FCI u Dev Anand kila buh lai tylli ki jingdawa, ka wei ka lon ba ka FCI ka dei ban pynbor ia ka Saikia Kompany ba kin wan aiti ia ki saw ngut ki draibar kiba la phet rieh bad ia kane u dei ban leh hapoh ka 30 sngi.

Kiwei pat ki ar tylli ki jingdawa ban weng kam shipor ia u wei u home guard u ba ia don lang ha katei ka por ba jia kane ka jingiashoh haduh ba u Bah Dismarlin u la khlad noh balei ym shym la wan ban iarap namar ba ki trei ha juh bad kum juh ia u manger ba dei peit ia kane ka jaka buh khaw ka FCI haba la pyntip sha u balei ym lah ban ai jingiarap, kane ka jingjia kala pynsuba sniew ia ki briew ha kaba ia dei bad kane ka jingjia kaba sngewsih.

Ha kane ka jingiakynduh ia u GM jong ka FCI, na ka liang jong ki dkhot ka JACM kala dawa ba lada ka Saikai Kompany kam lah ban wan aiti ia ki tei ki saw ngut ki draibar kiba la shah kynnoh ba ki don kti ha kane ka kam pyniap briew ka FCI ka dei ban weng noh shisyndon ka kam kontrak ban kit khaw pyrshah ia katei ka Company.

Haba kane sngi da ki hajar ki paidbah kila ia poi khamtam ki khynnah skul ban ia shim bynta ha kane ka jingiaid deng lamai iong ban pynpaw ia ka jingsngewlem halor kane ka jingjia kaba sngewsih. Ha ka juh ka por kane ka jingiaid paidbah ka long ban pynbor ia ka sorkar ba ka dei ban pynsted ban kem ia kine ki nongleh kam sniew. ia ka jingiaid paidbah la lam khmat da ki khun jong u Bah Dismarlin bam kwai ha dwar u blei.