Shillong, Lber 31: Mynta ka sngi 31/Lber/2026 ka synjuk ki trai niah kali hadien ka jingiakynduh lang ha State Central Library kila leit ban ia kynduh ia u supritendent ka East Khasi Hills District u bah Vivek Syiem, IPS ha kaba kila dawa ban kem mardor ia uto u briew u ba byrngem sei pistol bad shoh ia u nongniah mahindra max.
Ha kane ka jingiakynduh kila dawa ba lada dei ka pistol kaba don lisen dei ban knieh noh ia ka lisen bad lada dei ka bym don lisen dei ban pynshitom ia u katkum ki kyndon jong ka ain bad u dei ban pan map na u dribar ba la shah ktah kti.
U bah Balajied Jyrwa u nongialam ka seng u la ong ba ki khmih lynti ba ki bor jong ka ain kin shim khia ia kane ka jingdawa jong ka seng, ha kajuh ka por u la ong ba lada ki bor ka ain kim leh eiei na ka liang ka seng kin pynlong da ka jingiakhih ban pynpaw ia kane ka jingpyrshah.
La ong ba lada ki bor jong ka ain kim leh eiei ban kem mardor ia u tei u briew u ba ktah kti ia u dribar na ka liang ka seng kin sangeh ia ka jingkamai bad hangta ki paidbah kin sa sngewthuh bad ki bor jong ka ain kim dei ban leh shilliang khmat bad lada kim lah ban kem ka mut ki don jingiadei bad ki bor bahalor.
