Shillong, Naitung 24: Ka kynhun ki Nurse mynta ka sngi ka 24 tarik u Naitung 2024 kila dawa ia ka Myntri ka tnat ka koit ka khiah ka Dr M Ampareen Lyngdoh ban pynduh noh ia ka jingthungkam contract iaki Nurse hapoh ka Jylla hynrei ban thungkam pura beit noh ia ki nangne shakhmat.
Kane ka kynhun kala aiti da ka dorkhas sha ka Myntri ban dawa ruh ba dei ban weng noh ia ka jingpynbna khot thep kam kontrak bala pynmih da ka tnad ka koit ka khiah ha kine ki bnia kiba la dep kiba dang sah bym pat thung haduh mynta.
Ha ba ioh ban ia kren bad ki nong thoh khubor na ka liang u Bah Lurstep Nongrum u la ong ba ngi dawa ban dei ban pyndam ia ka jingthep kam contract hynrei ban pynlong beit beit daka jingthepkam ba pura iaki Nurse khnang ban pynthikna ba ka kam ba ki trei kan long ka ba skhem naka bynta baroh kiba ioh iaka kam.
U la ongruh ba ki dawa ba dei ban thepkam katkum ka jinglah (merit) ki nongthepkam bad ban pynthikna ba tang kiba dei hok ban ioh, kidei ban shah thungkam kala bynrap.
Ha ka dorkhas ba ki la ai ha ka Myntri kila dawa ruh ba dei ban pynthikna ruh baka rukom pynlong eksamin ka dei ban long ka ba khuid ba suba daka ba pynbiang ki bor pahara haka por thoh eksamin.
Ba dei ruh ban pynbna paidbah iaki kyrteng jong kiba ioh bad bym ioh iaka kam ha ryngkat ki marks ba ki samla thepkam ki ioh haka eksamin ban pynthikna baka rukom thepkam kan long kaba khuid ba suba.
Ka kynhun ki Nurese kila kyntu iaka Myntri ka tnat ka koit ka khiah ban pynsted ban pynbna iaka result. Kila dawa ruh naka Myntri ka tnat ka koit ka khiah ban pynjlan iaka rta bad haka juh ka por ban pynphai biang iaka pisa jong kito kiba thepkam haka por khot thepkam kontrak.
