Shillong, Lber 30: U bah Simson Siangshai u wei na ki riew rangbah ka East Jaintia Hills District u la ong ba katkum ka jiingpynbeit kaba la pynmih na ka ophis jong u Deputy Commissioner ka East Jaintia Hills District ia ki kam kiba lait ha District Selection kiba lah ban apply dei tang kiba na ka district.
Haba kren ha ki lad pathai khubor mynta ka sngi u bah Simson u la kyntu ia ki ar ngut ki MLA u bah Kyrmen Shylla bad ka kong Santa Mary Shylla ba kin bud dien ia kane ka rai kaba la shim ha ka jingialang jong ka District Selection Committee bad ka jingkhublei ka long ia ki dkhot ka DSC ruh kum juh.
Kumba ka long mynta 78% la lah ban pynbeit ia ki jingeh hapoh ka DSC, kiba dang sah mynta ki long sa tang kumba 22%, u bah Simson u la ong ba yn iai bud dien ia kane bad ban pynthikna ba ka sorkar kan pynbeit lut ia ka jingtrei kam ka DSC.
La iathuh ba baroh ki mat kiba don kam kiba la ia kren ha ka DSC ki long khatwei tylli bad bun na kine kiba la pyntrei kam kiba sah ka long sa tang kiba ia dei bad ka tnad Personal kaba ki dang hap ia pynbeit ia kaba u la leit ban ai ia ka jingthoh mynta ka sngi.
Haba ia dei bad ki kam kiba ym pat khot aplikoshon u bah Simson u la ong ba kan bha lada kin pynsangeh shuwa ia kaba la dei ban long ha u bnia Iaiong bad Jymmang 2026 katba ym pat ioh ia ka jingbit na ka tnad personal ka sorkar jylla.
