Shillong, Naitug 03: Ka jinglehniam Behdeinkhlam kaba shisien shisnem hapoh ka elaka Jowai Doloiship la pynkut mynta ka sngi da ka jingpynngam ia u Deinkhlam ha Aitnar bad bud sa ka jingpynngam ia ki Rot bala wan rah na ki shnat ka elaka kiba la shna ha ki dur bapher bapher.
Ha kane ka sngi ka ki phew phew hajar ki paidbah na kylleng ki bynta jong ka Jaintia Hills kila ia poi ban ia shim bynta ban ia sakhi lang ia kane ka jingleh niam ban pynkut ia kane ka jingleh niam kaba la sdang shibnai shuwa.
Ia kane ka jingleh kmen la pynlong ha dien ba la dep ban thung ia u kba bad kane ka jingleh niam ka long ban duwai kyrpad ban ioh ia u soh ba bha na ka rep ka riang kaba kila dep ban rep, ia ka lehniam leh rukom la pyndep da ki tynmen ki san.
U Myntri Rang bah ka jylla Conrad K Sangma u la ong ba u ai ka jingkhublei kaba kyrpang ia ki paidbah ka jylla bad kane ka jinglehkmen ka long kaba don kam bad kane ka dei k sien kaba lai ba u la poi ban ia shim bynta ha kane ka jinglehkmen Behdeinkhlam.
La ong ba katba dang mih ki sngi ka jinglehkmen ka la dang kham bha na ka por sha ka por ha kaba ki nongwan ia shim bynta kila dang bun bad u sngew kmen ban iohi ia ka jingleh kmen ba ki leh da ka jingieit bad jingkit khlieh bad la ong u sngew kmen ba ka sorkar ka juh kyrshan ia kane ka jingleh kmen.
La ong ba ia kine ki jingtei kiba la shna ha kane ka jaka ha Aitnar la ai jingkyrshan na ka tnad shangsuwari kaba la ai jingiarap T.6.5 klur ban pynbha ia kane ka jaka, ka sorkar ka ngeit ban pynneh pynsah ia la ka jong ka riti ka dustur jong ki paidbah ka long kaba kongsan.
Ha kane ka sngi la don lang ruh u bah Sanbor Shulai MLA, bah Wailadmiki Shylla MLA, kong Santa Mary Shylla badkiwei kiwei ki heh sorkar bad na ka JHADC, ha kane ka sngi da phew phew hajar ki paidbah kila ia poi na kylleng ka jylla.
