Shillong, Jymmang 27: U myntri rangbah ka jylla u Conrad K Sangma mynta ka sngi u la pynpaw ia ka jingsngewkmen ka jong u ban ioh ban pyni paidbah ia ka dur ka ophis ka Secretariat ha Tura.
U myntri rangbah ka jylla u la ong ba ha kaba sdang por ban pynkynkhreh ban shna ia ka ophis ka Secretariat ha Tura ka nongbah bah jong ka West Garo Hills District ka long T.30/- klur tyngka.
U myntri rangbah ka Facebook kaba u la thoh ba ha dien bala pynwan dur ia ki jingdor ka jingtei ia ka ophis ka Secretariat ha Tura kan poi sha ka T.150/- klur tyngka, mynta la khot ia ka tender bad ka jingsdang ban shna kan a sdang noh kloi.
Ka jingtei ia ka ophis ka Secretariat ha Jowai ruh ka dang iaid sha khmat ha kaba u MLA katei ka jaka u bah W. Shulla u la dei ban jurip ia kane ka jingtei ha kine ki khyndait sngi kiba la dep.
