Shillong, Lber 15: U Myntri Rangbah ka Jylla Meghalaya u Conrad K Sangma u la shah jied biang kum u National President jong ka National Peoples’ Party ha ka Annual General Body Meeting bad Organisational Election 2025, kaba la long ha Constitutional Club of India, New Delhi.
U Sangma u la shah jied biang khlem don ba ialeh pyrshah na ka bynta ka samoi treikam naduh u snem 2025-28.
U myntri sorkar barim bad u state working president Arunachal Pradesh u Paknga Bage u la shah jied khlem don ba ialeh pyrshah kum u General Secretary (Organisation), katba ka Dr Mehtab Agitok Sangma ka la shah jied biang khlem don ba ialeh pyrshah kum u National Treasurer.
U president ka jylla Meghalaya u Bah Prestone Tynsong bad u President ka jylla Manipur u Joy Kumar Singh ki la ai jingmut ban thung noh ia u National Working President ha ka party.
Ki la ai jingmut ïa u General Secretary (Organisation) uba la mih noh na ka kam u James K Sangma kum u National Working President. U President ka ri uba la shah jied biang, u Conrad K Sangma u la pynbna ba shen yn sa pynbna ia ki dkhot jong ka National Committee 2025-28.
