Shillong, Lber 03: Deputy Commissioner jong ka South West Garo Hills District Anendya Raajsshre, IAS, la khot ia ka jingialang jong ka District Coordination Committee (DCC) bad ha kane ka jingialang la ia kren ba kumno ban dang pynbha shuh shuh ban pynpoi ia ki skhim sha ki paidbah.
Haba kren ha kane ka jingalang Deputy Commissioner la ban jur ia ka jingdon kam ia ki jingtei kiba la pyntrei ia ki jaka bapher bapher la bthah ia baroh ki Block Development Officer ba kin ai jingkhein ia ki skhim kiba ki pyntrei ban ioh ia ka jingkhein.
Ha kane ka jingialang la ia kren ba kumno ban lait na ka jingpyntrei ar sien ia ki skhim ha ki nongkyndong khamtam ka jingpyntrei kam ia ka ka skhim MGNERGA, PMAY bad ia ka MSRLM.
U Additional Deputy Commissioner u ba dei u Project Director ka DRDA Raymond Z D Shira u la khot ia ki tnad sorkar bapher bapher ba kin sdang ban pyntrei kam da kaba shim lang ha juh haba pyntrei kam ha baroh kawei ka District.
Ka phang kaba ha khmat eh jong kane ka jingialang mynta ka sngi ka long ba ki tnad sorkar bapher bapher kin pyni ia kaei kaba kila lah ban pyntre na ka bynta u snem mang tyngka 2024-25 lyngba ki power point.
Ha kane ka jingialang la iakren ruh ha kaba ia dei bad ki skhim kiba ia dei bad ki bank, kiwei ki tnad sorkar, ban don ia ki jaka sah jong ki tnad sorkar, ka jingpyntrei kam ia ka CM Connect bad ban pyntip lyna ia ki kam ban sa lait ha ka District Seclection Committee (DSC).
Ha kane ka jingialang la pynkut da kaba ban jur ia ka jingiatreilang ha pdeng ki tnad sorkar , ban trei beit trei ryntih ban pynthikna ba ka jingpyntrei kam ia ki skhim na ka bynta ka roi ka par ka South West Garo Hills District.
