Shillong, Jylliew 15: Ka mang tyngka kaba lai bnai, kata u bnai Iaiong, Jymmang bad jylliew na ka bynta u snem 2025-2026 kaba la wanrah da u Executive Members ka Khasi Hills Autonomous District Council (KHADC) ba dei peit ia ka pla pisa u bah Seiborlang Warbah la kyntup lang ia ka tulop jong ki 43 ngut ki nongtrei kiba la shah pynhiar kyrdan bad kiba la shah weng.
Haba wan rah ia ka mang tyngka u EM ba die peit ia ka pla pisa, ga ka Grant No-1, kaba dei na ka bynta ka general administration, la kdew shai ha ka sla kaba 2 ba ka jingisew ia ki dkhot ka Executive Committee ka long T.28,33,500/- tyngka. Ka tulop bad kiwei ki jingsiew ia ki ophisar ka KHADC, ka long T.75,97,890/- tyngka.
Ka mang tyngka ki nongtrei ka KHADC ki byndei ki ophisar ka jingsiew ia ka tulop ka buh ha ka Establishment kata T.2,73,64,120/-tyngka, dei ha kane ka mang tyngka bala ia ki 43 ngut ruh ka kyntup lang ia ka tulop ka jong ki.
Kane ka Mang tyngka kaba la wan rah da kane ka EC kaba mynta kaba la ialam da ka VPP ka trei kam naduh ka 1/Iaiong/2025 bad kan kut ha ka 30/Jylliew/2025 bad ia ka mang tyngka kaba pura na ka bynta u snem 2025-2026 kan sdang ha ka 24/ Jylliew/2025.
