Shillong, Naitung 03: Mynta ka sngi ka KSU Mawlai Circle haka jingïalam jong u Samla Biangbor L.Paliar President jong ka KSU Mawlai Circle uba dei ruh ha kajuh ka por u Vice – President jong ka Sengkmie ryngkat ki Nongkitkam ki leit ai jingïarap da ki marbam kiba kynthup da u Khaw,Phan, Dai bad ka Umphniang.
Ha kane ka jingai jingiarap ban lait naka jing ïalum briew,ïa kitei ki marbam la shimti da ka Dorbar shnong haka jingïalam jong u Rangbah Shnong bad u Secretary jong ka Shnong Mawsiatkhnam.
Ha shwa ban aiti ïa kitei ki marbam kala don ka jingïalang ba lyngkot ha Ïing shnong ïa kaba la pynïaid da u Secretary jong ka Shnong uba la shim ruh ïaka bynta ban pdiang sngewbha ïaki dkhot jong ka Seng kiba sa shisien pat kila wan ban noh jingïarap biang sha ki nongshong shnong jong ka Mawsiatkhnam kiba la kynduh jingeh haka ban pyndap ïala ka ïing ka sem naka jingdon biang kane ka jingkhang dam ha kine ki ar bnai.
Na ka liang jogn ka sorkar kala hap ban pyntrei kam biang naka jingwan lyngshop jong kane ka Khlam haka wat kaba Ar,naka liang jong u Secretary Shnong u la ai khublei ruh khamtam ïaki Kmie ki Kpa jong baroh ki dkhot jong ka KSU ba kila pynshlur ïala ki khun ba kin mih shakhmat ban ieid ïala ka jong ka Ri bad ban ai ka jingshakri ïala ki jong ki para doh para snam.
Na ka liang jong ka Dorbar shnong ba kan buh ha ki jingduwai kyrpang na bynta ki Kmie ki Kpa jong baroh ki dkhot ka KSU, kiba la ai mynsiem ïaki khun ki kti ba kin mih shakhmat khlem tieng khlem riej.
Ha shwa ban pynïaid shakhmat shaphrang ïaka jingïalang la ïoh ban buhti haki jingdwai da u Samla Lambert Roy Shabong uba dei u Environment & Cultural Secretary jong ka KSU Mawlai Circle.
Ha kane ka sngi u Samla Robert Khongsit Organising Secretary KSU Mawlai Circle bad na u Samla Biangbor L.Paliar President KSU Mawlai Circle.
Haka jingkren jong baroh ar ngut kitei ki nongïalam kila pynpaw ïaka jing sngewkmen ba kum ka seng sa shisien pat watla hala i bor iba rit pynban kila lah ban kner lang la ki kti ban ïasam ïa kine ki marbam lyngba ka Dorbar Shnong ka ban sa pynpoi sha kito nongshong shnong kiba donkam hok ban ïoh jingïarap ha kum kane ka por.
Ha ka jingkren u Rangbah Shnong u la pynpaw ïaka jingkmen ba kum ka Seng sa ha kane ka Wat kila kynmaw biang ïaki longïing jong ka shnong Mawsiatkhnam ban wan aiti ïa kitei ki marbam kaba la long ka jing kyrkhu ïaki ba bun tylli ki longïing ba kin lait naka shah thngan bad ka pynthiah jingit ïala ki khun ki kti.
Na ka liang jong u rangbah shnong u la kyrkhu kyrdoh ïa baroh ki Nongkitkam ba kin ïoh ka met kaba koit ba khiah bad kumjuh ruh ka jingstad jing shemphang haka jingïaid lynti ka jong ki kaba manla ka sngi haka ban shakri ïala ka Ri bad ka Jaidbynriew ula pynkut ïala ka jingkren.
Ïa kitei ki marbam la aiti sha ka Dorbar Shnong Mawsiatkhnam da u Samla Biangbor L.Paliar President jong ka KSU Mawlai Circle uba dei ruh ha kajuh ka por u Vice – President jong ka KSU Sengkmie.
