Shillong, Iaiong 30: U Shnongknor ka iing dorbar thawain ka jylla u bah Metbah Lyngdoh u la pynpaw ba u la dep ban ia kren bad u myntri rangbah ka jylla ban khot ia ka jingialang jong baroh ki seng sain pyrthei ban ia kren halor kane ka khlam COVID-19.
U Shnongknor ka iing dorbar u bah Metbah u la ong ba ha ka jingshisha u la dei ban khot ia kane ka jingialang mynta ka taiew hynrei na ki daw kiba ym lah ban kiar, yn khot noh ia kane ka jingialang ha kataiew ban ban.
Ka jingkhot ia kane ka jingialang ka long ban tip aiu ka sorkar kala leh ban iada na kane ka khlam COVID-19 bad ha ka juh ka por ki lah ban ai jingmut sha ka sorkar ban iada na ka jingsaphriang kane ka jingpang COVID-19
Lah ban pynkynmaw ba ha u snem 2020 u Shongknor ka iing dorbar u la khot bun sien ia kum kane ka jingialang ban ia kren ha kaba ia dei bad ka jingiada na ka jingsaphriang kane ka khlam COVID-19 ha ka jylla ha kaba baroh ki seng sain pyrthei kila ia don lang.
