Shillong, Nohprah 24: Da ka jingthmu ban ai lad ia ki paidbah nongshnong ka shnong Diengpasoh ba kin ioh ia ka kamrai ka jih ka shnong kala plie ia ka iew ha u snem 2014 ha kaba la wan ban plie da u Syiem ka Hima Khrim ha u snem 2014 bad kane ka iew kala dang heh katba dang mih ki sngi.
U bah Silvarius Kharumnuid haba kren u SP news Agency u wei na ki nongkit kam shnong la iathuh ba ia kane ka iew la khot da ka Iew Lyngka bad ka iew ka long shisien shitaiew bad ka shnong kala ai dukan ia baroh ki long iing ba kin ioh ban seng dukan ban kamai ja kpoh.
Kiba wan shong dukan kim dei tang kane ka shnong, hynrei ki wan na Jaintia Hills bad kiwei ki bynta ban ia dei ia thied ha kane ka iew, ha kane ka juh ka jaka la don ka Iew bala pynshna da ka tnad rep soh kaba la tip kum ka Lay by Market ha u snem 2020 bad haduh mynta ruh ka iew kala iaid ryngkat ryngkat ki ai iaid lang.
Kane ka iew katba dang mih ki sngi kala dang kiw bad kala dang heh, kumta kane ka iew ka don ka jingkyrmen ia ki nongshong shnong baroh kawei ba kin dang iaid kiew katba dang mih ki sngi.
