Shillong, Lber 10: Mynta ka sngi ha ka por 1 baje tam eiei ka wei ka iing kaba don ha Tura kala kem ding kynsan bad na ka liang jong ki pulit kala leit bran bran ban kem ia ka jingklang ka ding ia ka daw jong ka jingkem ding haduh ba thoh ia kane ka khubor ym pat lah ban tip.
Katkum ki khubor kiba la ioh la iathuh ba kane ka jingpluh katei ka wei ka iing kala jia ha ka por ba dang don ha ki kynta korphiw haba iadei bad kane ka jingjia ym shim laioh kano kano ka jingtip la kala don ne em ka jingjia ba sngewsih ha kaba iadei bad ki mynsiem briew.
Haba u SP News Agency ula pyrshang ban ioh ban iakren bad ki bor jong ka District Administration ban pyntikna ia kane ka jingjia hynrei ym shim la ioh ban iakren namar haba phone ban pynshisha kim shim la don ba jubab.
Ha kane ka jingklumar ha ka 9/Lber/2026 ha West Garo Hills kila don arngut ki mynsiem kiba la duh ei iala ka jingim ha kane ka jingiakhih hapdeng ki kynhun jaitbynriew hynrei na ka liang jong ki bor ka District Administration haduh ba thoh ia kane ka khubor kim pat ai kano kano ka khubor na ka liang jong ka sorkar.
