Shillong, Lber 2: Mynta ka sngi ka 02 Lber 2026 ka Indian Airforce bad ki bor jong ka District East Khasi Hills kila pynlong ia ka jinghikai ia ki samla ha kaba iadei bad ka iohkam iohjam hapoh ka kynhun shipai suin jong ka Ri India ha kaba palat spah ngut ki samla ki la wan ban ia shim bynta.
Ka Deputy Commissioner ka East Khasi Hills ka kong R.M Kurbah kala ong ba ia kum kane ka jinghikai la sdang ban pynlong man la u snem naduh u snem 2023, naduh katei ka por haduh mynta kila don 500 ngut ki samla kiba la rung ha ki kam shipai.
Ka Deputy Commissioner kala iathuh ba dang shen 300 ngut ki samla kila ioh rung sha ka kynhun shipai BSF bad kane ka long ka jingkmen kaba khraw bad ki bor ka district namar ki samla kila mih shakhmat ban ai ka jingshakri iala ka jong ka ri.
Ka DC hi kala ong na ka liang jong ka shimet ka dap da ka jingkmen ba ki samla kila mih shakhmat bad mynta ka sngi ruh palat spah ngut kila wan ban iashim bynta, hynrei mynta ka sngi kiba wan bun ki kmie ki kpa lehse ka dei na ka daw ba ki khun ki dang long exam kala kyntu ia ki khun samla ba kin shim ia kane ka kabu ban rung ha kine ki kam.
