Shillong, Risaw 23: Ka jinglehniam Durga Puja mynta ka snem kala sdang ha ka 21 bad kan kut la shai ka sngi da ka jingpynngam ia ki dur blei, man ka ki pandal kila shna iala ki jong ki jong ki dur ban pynitynnad bad ha Narsing Akhara kaba don ha Garikhana la shna da ka dur jong u Chandrayaan-III kaba ka Ri India kala lah ban hiar ha u bnai.
Ki paidbah na baroh ki jingeit kila ia leit ban jngoh ia ki pandal kiba la shna pynitynnad na kawei ka jaka sha kawei ka jaka la ka dei ha kane ka nongbah Shillong ne wat ha kiwei ki District kiba don ia ki Pandal ha kane ka lehniam Durga Puja.
Ha baroh ki Pandal kila don ki nongpeit ba kan nym don kano kano ka jingthud ha kaba iarung ia mih ki nongeit nongwan ban jngohkai bad na ka liang ki bor pulit ruh kila don lang ban peit ba kan don ka jingiaid beit iaid ryntih.
Ha kane ka jinglehkmen kane ka jinglehniam Durga Puja la ioh ba ki briew kila ia leit na kawei ka jaka sha kawei ka jaka ban ai khublei ruh wei ia wei ka Puja ba suk ba kmen namar kane ka jingleh niam Durga Puja ka long ba ka jingbha ka jop ia ka jingsniew.
