Shillong, Lber 16: Wat hapdeng ka jing pynthut u slap ka lyer bad u phria ha shwa ban sdang ka Mass Bakhuid hynrei ki paid riewngeit ka Balang Catholic kiba hap hapoh ka Zone 6 kila wan ban tuid daki Hajar ngut haka sngi pynkut iaka Lympung kaba Khatwei jong ka Synjuk ki Kynthei Katholik Shillong Archdiocese Zone VI kaba la pynlong Assumption Church Parish Nongpoh.
Ha ka sngi u blei la wan ba knia Mass da u Longdoh Sohblei u Fr Raphael Risterlang Maiong haka jingiadonlang u Parish Priest ka Nongpoh Parish u Fr Peter Syiem nangta u Fr Sedish N Marak u ba dei u Spiritual Director jong ki Longkmie ka Zone 6.
Ka President ka Synjuk ki Kynthei Katholik jong ka Shillong Archdiocese ka Kong Joplin Nongdhar ka President ka Synjuk ki Kynthei Katholik ka Shillong Archdiocese Zone VI ka Kong Ibrosta Suchiang ka General Secretary ka Kong Mazzarello Nongrum ki nongkitkam naki Parish bapher bapher ki Fr ki Brother ki sister ki Rangbah Balang ki Headketekis ki nongshah khot sngewbha lem bad ki hajar ngut ki paid riewngeit ka Balang.
Ha katei ka sngi la kren halor ka ktien jong u Blei da u Longdoh Sohblei u Fr Raphael Risterland Maiong hakaba u la pyn kynmaw ba ka longkmie ki dei ki paia kaba skhem ha ing ha sem bad ki long shisha ka mluh kaba ai jingshai.
Ha ka jingkren u la batai ruh iaki Lai tylli ki mat ka mat ba nynkong ka dei baki Longkmie ki dei ban long ka mluh ha ing ha sem kaba ar pat ki hap ban long ka mluh hapoh ka Balang bad ka mat kaba lai ka dei ka ki dei ban long ka mluh haka imlang ka sahlang,
Haka por 1:30 nohphai sngi pat la pynbud sah ka jing mane Sakrament Bad shuh shuh kaba kham shongkun shongblei hakatei ka sngi ba ki nongkitkam jong ka Synjuk ki Kynthei Katholik Shillong Archdiocese Zone VI kila ioh iaka jingkyrkhu kyrpang na u Fr Raphael Risterland Maiong ba kin nang ioh shuh shuh ka bor na u Blei ba kin nang lah ban trek kham bha iaka kam jong u Blei.
La ioh ban pynhiar iaka Lama jong ka Synjuk Kynthei Katholik Shillong Archdiocese Zone VI da u Fr Fr Sedish N Marak u ba dei u Spiritual Director jong ki Longkmie ka Zone 6 bad la pynbna ruh ba ha u snem 2027 kane ka jing ia kynduhlang jong ki Longkmie kan long ha Umkadhor Parish.
