Shillong, Naiwieng 11: U Deputy Speaker jong ka jylla Meghalaya u Timothy D Shira la ong ba ha u bnai Nohprah lah ban sdang pyniaid noh ia ka rel Vande Bharat na Mendipathar na North Garo Hills District.
Haba kren ha u SP News Agency, u Deputy Speaker ba dei ruh u MLA jong katei ka jaka Resubelpara la ong ba ia kane ka jingpyniaid ia ka rel kam dei shuh tang ha Guwahahti, hynrei la pynjlan ia ka shaduh Dimapur bad shen yn sa plie ruh ban pyniasoh sha Coach Bihar.
La iathuh ba ka jingdon iakane ka lynti rel kala iarap shibun ban pynsuk ia ki paidbah ha ka leit ka wan, la ong ban a Mendipathar sha Guwahati lah ban leit mynstep bad wan phai noh jan miet bad ka bai rel ka long tang T.60 tyngka bad kala pynsuk ia ki nongrep ha kaba phah ia ki marrep.
Kumba ka long mynta ki paidbah ka Garo Hills ki dang shem jingeh khyndait namar ki nongkhaii ki wan tang na Kamrup bad Golapara jogn ka jylla Assam namar ia ka rel dang pyniaid tang na Medipathar sha Guwahati bad sha Dimapur.
U Deputy Speaker u al ong ba ynda ka jingpyniaid ia ka rel na Mendipathar sha Coach Bihar kan sa iarap kham bun shah ia ki nongrep jong ka Garo Hills ban kit ia ki marrep namar ka iew ka don sha dewbah jong ka Ri India ymda ha kane ka thain shatei lam mih ngi.
