Shillong, Nohprah 2025: Katkum ka shithi kaba la phah na ka ophis jong ka Deputy Commissioner Ri Bhoi District ba kito ki long iing kiba hap ha ka jingshim jaka ban pyneh ia ka kad liengsuin ha Umroi kiba hap ha ki ar tylli ki shnong Umden Mission bad ka Umden Arka ba kin mih noh haka shuwa ka 16 Tarik Kyllalyngkot 2026.
Mynta ka sngi ka 30 Tarik Nohprah 2025 haba ki lait pathai khubor kila leit sha kitei ki shnong na liang jong u rangbah shnong Umden Mission la iathuh ba ka sorkar kala dep ban siewlut ia ka bai jaka sha ki trai jaka bad ki traiing, la long ba ki iing kiba hap hapoh ka shnong Umden Mission ki don 11 tylli kiba hap ha kane ka jingshim jaka ban pynheh ia ka kad lieng suin.
Haba ioh ban kren bad kiba trai iing kaba kim kwah ban pynpaw kyeteng bad kim kwah ban kren ha kamera kila kubur ba kila ioh ia ka pisa kaba ka sorkar kala siew ia ka bai jaka bad kum juh ia ka iing kaba ki shong ki sah, la iathuh ba ka jingwan thew kala dei na duh u snem 2024 katba ia ka pisa ki dang siew ha u Nailur 2025 bad tang hapoh lai bnai kila phah mih noh na ka jaka kaba ki shong.
Khlem da kwah banpynpaw ia ka kyrteng kila iathuh ba kila dep ban ai ia ki jingthoh sha ka ophis jong u DC ka Ri Bhoi District ban kyrpad ban kham pynjlan ia ka por namar mynta ki dang shna iing ki iing ki sem ka jong ki namar lai bnai ban shna iing ym lah ban pyndep bad kila don ruh kiba dang wat ban ioh iing wai.
Kila kubur ba kin sah leh aiu haba kila ioh ia ka pisa kaba ka sorkar kala siew hynrei tang lai bnai kam dei kaba suk ba kin shna pyndep ia ka iing ka sem na ka pisa kaba kila la ioh, la ong ba lada kan long tang 6 bnai ruh kila lah ban pyndep ia ki iing kaba kila shna.
