Shillong, Rymphang 10: Ka jingialang ba shisien shisnem jong ka dorbar kur bah Shangpliang kan long ha ka 4 tarik Lber 2026 ha shnong Mawsynram East Khasi Hill District.
Katkum ka kyrwoh khubor ba la phah da u bah Commander Shangpliang General Secretary jong ka Dorbar Kur Shangpliang, Central Body u la iathuh ba ka Kur ka la mynjur ba ka Dorbar Kur Bah ba shisien shisnem kan long ha Mawsynram bad kan sdang ha ka por 10 baje mynstep.
Ha katei ka sngi yn sa iakren ia ki kam jong ka Kur bad kin don ruh ki program ban pyni ia ki sap ki phong lyngba ki dkhot jong ka Kur.
U bah Commander Shangpliang u la kyrpad ia baroh ki para kur kiba shong kiba sah ha ki bynta bapher bapher jong ka jylla ba kin wan ban iashim bynta ha kane ka Dorbar Kur bad ba kin shim ia kane ka khubor kum ka jingpyntip.
