Shillong, Risaw 30: Mynta ka sngi u Chief Executive Member ka KHADC u ban Pyniaid Sing Syiem bad ka kynhun ki Executive Members, u bah P N Syiem Deputy CEM, bah Teiborlang Pathaw bad ka kong Grace Mary Kharpuri kila leit ban ia kynduh ia u lat ka jylla u Chandrashekhar H. Vijayashankar ha Raj Bahvan Shillong.
Haba kren ha lat pathai khubor ha dien bala dep ban ia kynduh ia u Lat ka jylla u CEM jong ka KHADC u bah Pyniaid Sing Syiem la ong ba kane ka jingwan ia kynduh ka long ban ai khublei namar ba u lat ka jylla u la ai ka jingmynjur haba ia dei bad ki Bills kiba la KHADC kala phah.
U CEM jong ka KHADC u la ong ba ka long kaei kaei kaba sngewtynnad ba ka KHADC kala ioh iala “Land Rule” ha kaba ia dei bad ka Land Act, kane ka long ba ki trai shnong ki Khasi Pnar kiba hap ha ka jingpeit ka KHADC kila lah ban ioh ia ka ki kot jngpynshisha na District Council.
U bah Pyniaid u la ong ba ki paidbah ki dei ban don ka jingar tatien namar ba mynta baroh ki kynhun bei pisa kila ithuh ia ka Land Act jong ka KHADC haba la ioh ia ka syrnod ia ka jinglong trai na ka KHADC kila lah ban ioh jingiarap na ki kynhun bei pisa lada ki donkam.
Haba ia dei bad ka jingiadei ka thied jaka ha Raid Marwet da kiwei pat ki riew lumki bynta dei ki Khasi Pnar na ka liang jong ka KHADC kala thaw ia ka Committee ban peit ia kanbe ka bynta bad la ia kren ruh bad ka sorkar jylla haba ia dei bad ka jingpyn kylla ia ka St Order 1950.
U CEM jong ka KHADC u la kren shai ba na ka liang jong ka KHADC kan leh ia kaba don kam ia kito kiba don kti ban die ia ki jaka puta sha kiwei pat ki jaid bynriew lada ka jingleh ka long pyrshah ia ka ain.
