New Delhi, Rymphang 19: Ka kynhun tohkit ka sorkar pdeng ka Central Bureau of Investigation (CBI) kala ioh ban kem ia u P.M. Abdul Razzaq na Jalagandapuram, Salem ha ka jylla Tamil Nadu haka 13.02.2026 ha dien 25 snem bala thwet ia u ha kaba ia dei bad ki kam thok ha ka tnad Telecom.
Ka CBI kala register ia kane ka jingujor ha ka 16.10.1995 halor ka jingkynnoh ba kala don ka jingiasuh buit sniew kaba la pynwan da u Mukesh Gupta, u Divisional Manager, Dept jong ka Telecommunications ba mynshuwa ka sorkar pdeng da ka jingialehlang bad u P.M. Abdul Razzaq bad kiwei de kaba la wanrah ia ka jingduh nong ia ka tnad telekom.
Kane ka kynhun tohkit ka CBI kala ai ia ka jingnishan pyrshah ia u Abdul Razzaq bad saw ngut kiwei pat ha ka 29.06.1999 bad u Abdul Razzaq ba shah kynnoh u la shu jah naduh u snem 2001 bad la niew kum u ba la leh ia kane ka kam sniew bad ha ka 13.03.2001 u nong bishar ba kyrpang u la ai ia ka hukum kaba neh haduh ban da ioh kem.
Ka CBI kala thung ia ka kynhun kaba kyrpang ban thwet ia u ne u briew bala phet rieh bad ka jingthwet ia u la leh ha kata ka rukom da kaba pyndon kam ia ki kor kibor jong kane ka juk kaba mynta ban lap ia u ha kane ka jingthew la lap ba u don ha Salem ha Tamil Nadu.
U ne u briew u dei na ka jylla Madhya Pradesh bad u la phet sha katei ka jaka ryngkat ki khun ki kti da kaba kylla ia ka kyrteng sha u “Abdurasak” ban lait na ka jingshah kem hynrei ka CBI kala kem ia u ha ka 13/2/2026 bad la rah sha iing bishar ha ka 14/2/2026 ha Bhopal.
