Shillong, Lber 08: Ka seng Confederation
Of Ribhoi People (CORP) ka la pynlong ia ka jingai snam ei ha ophis jong ka NESAC Umiam bad la ia trei lang ruh bad ki CISF NESAC Umiam Unit bad ka ophis NESAC la plie ia kane ka jingaisnem da u Deputy Director K.K Sharma NESAC.
Ia kane ka jingai snam ei la pynlong ha ka san tarik mynta u bnai ha kaba la don lang ruh u inspektor ka CISF u Y.B Mangangchan bad ka Dr C.Budnah ba deipeit ia ka Regional Blood Bank pasteur Institute Shillong, Meghalaya.
Shuwa ban sdang ia ka jingai snam ei kala don ka jingialang ha kaba u President ka CORP u bah Bandari Ryntathiang ong ba ka jingthmu ka long kumno ban ia rap ia ki long iing long sem kiba duk ba jynjar khamtam ia kito kiba pang ba shitom kiba shem jing eh khamtam iaki para doh para snam.
Kane kan long ka jing iarap ba kordor na ka bynta jong kito kiba donkam na ka seng,la kyntu ruh ia ki paidbah ba kim dei ban tieng ban ai snam ka long ka jingiarap ia ki mynsiem ba kordor.
Ha kane ka sngi la ia don kumba 50 ngut ki kiba la wan ban ai ia ka snam jong ki, kiba la wan ki long ki samla pule bad ki dkhot jong ka CORP, u President ka CORP u la ong ba kane ka jingpynlong ia ka jingai snam ei kin dang iaid bteng naka bynta ka jingmyntoi kiba duk ba shitom.
