Shillong, Kyllalyngkot 25: U Chief Electoral Officer ka jylla Meghalaya u Dr. B D R Tiwari la ong ba haduh mynta kim pat ioh kano kano ka jingthoh na ka Election Commission jong ka Ri India ha kaba ia dei bad ka Special Intensive Revision ha kaba ia dei bad ki nongthep vote.
Wat la ia ka jingthoh ym pat ioh ban pynlong ia jingpynrung kyrteng kaba bniah ha ka electoral roll, hynrei ka jingpynkhreh na ka bynta kane kala iaid ha baroh ki District ha ka jylla ha kaba kala don ka jingkhot ia ki seng sain pyrthei ban ia mir jingmut ha kaba ia dei bad kane ka SIR.
Ka ophis jong ka tnad election ruh kala buh ia ka kyrteng jong kito kiba la don ha u snem 2005 ba ki paidbah kin ia peit lem ia kane ka bynta ban pynthikna ba tang ki nong shnong shnong ka Ri India kin ioh ban rung kyrteng ban ioh thep vote.
Kumba ka long mynta na ka liang jong ka tand election kala dep ban pynkhreh ia lade na ka bynta kane ka kam ban pynlong ia ka SIR ha kane ka jylla Meghalaya bad kaba sah mynta ka long ba shuap ia ka jingbtah na ka ECI.
