Shillong, Lber 27: U Chief Executive Member jong ka Khasi Hills Autonomous District Council u Bah Shemborlang Rynjah u la pynpaw ba ka kam ban ai jingiarap ia ki skul kiba ym pat ju ioh jingiarap na kino kino ki liang ka Council kan bteng ban ai jingiarap ia ki.
Ia kane u CEM u la pynpaw haba iarap ban jubab ia ka Executive Member ba peit ia ka tnad Pule puthi jong ka KHADC ha ka sngi ba-ar jong ka dorbar mang tyngka ia ka jingkylli bala buh da ka kong Rona Khyndeit.
Ha shwa jong kane, ka MDC na Nongpoh ka Kong Rona Khymdeit kala buh jingkylli ia ka kong Aibandaplin F Lyngdoh halor ka jinglong jingman jong ki Primary School bad ka jubab na ka EM ka long ba ia kane ka mat ka EC dang dang shong bishar bniah.
Nalor ka kong Rona Khymdeit, kiwei ki dkhot kiba bynrap lang ia ki jingkylli kila iathuh ba ha ki por ba la leit ki ju ioh 36 hajar tyngka kum ka grant in aid bad hato kane ka EC ba mynta ka dang bteng ne em ban ai ia kane ka grant in aid ban iarap ia ki skul kiba ym pat ju ioh jingiarap.
Halor kane ka EM ka Kong Aibandaplin haba jubab kala ong, ka jingmang kaba don pisa bad ka council bad ka jingmang jong u snem 2024-2025 la buh kumba 25 lak la mang bad ia kane kan sa shong ban bishar.
Hadien ba ki dkot kila buh shuh shuh shuh ki jingkylli, u CEM ka KADC u la ong ba ia kane ka pisa ka dang sah bad kin bteng ia kane ka kam.
