Shillong, Naitung 22: U Myntri kam pynroi sor u bah Sniawbhalang Dhar mynta ka sngi u la leit ban jurip ia ka marten mynta ka sngi ha dien ba ka Seng Samla Mawlai Pyllun kala khang tala ia ka marten ka jaka bret niut ha ka 21/7/2021.
Ha kane ka jingleit na ka liang jong u myntri kam pynroi sor haba kren ha ki dkhot jong katei ka seng samla na Mawlai ha ka jingiadon lang u MLA u bah Process T Sawkmie bad u MDC u bah Teibor pathaw la ong ba kane ka dei ka jingeh kaba la neh palat san phew snem yn nym lah ban ai ka jingkular.
Na ka liang jong u myntri u la khot ia ka SSMP ba kin ia kynduh biang ban ia kren ia kane ka kam ha ka 3rd Nailar 2021 ban ia kren bniah ia kane ka kam ha kaba kin don lang ki ophisar bad ki nongialam ka seng samla Mawlai.
Ha kane ka sngi ba leit ban jurip ia katei ka jaka bret niut la don lang u MDC bad u MLA, ki nongialam ka SSMP, u CEO jong ka Shillong Municipal Board u bah BS Sohlya bad kiwei kiwei ki ophis na ka sorkar kiba la don lang ha kane ka sngi.
