Shillong, Nailur 29: U Chief executive member jong ka KHADC u bah Titosstarwell u la ong ba ka nongrim kaba ka KHADC ka ieng halor u pud u sam ka long katkum ki pud ki sam jong ki hima khasi, ia kane ka rai ym phah sha ka sorkar Meghalaya.
Haba kren ha ki lat pathai khubor ha dien ka jingialang jong ka “Boundary Committee” kaba la thung da ka KHADC ha u snem ba la dep, mynta ka sngi kala ia shong ban ia kren bad jia ryngkhat ba ka jingiakren kam pud ha ka long ha pdeng ka sorkar Meghalaya bad ka sorkar Assam.
Ha kane ka jingiakren ka sorkar kala khot ruh ia ki District Council ba kin don kti lang ha kaba ia kren ha kaba pyniaid sha khmat ia kane ka jingiakren kam pud hapdeng kine ki ar tylli ki jylla.
Ha ka jingialang jong ka “Boundary Committee” ka long ba ka nongrim kaba ka KHADC ka ieng ka long shai bha ba ki ieng halor ka nongrim katkum ki pud ki sam jong ki hima khasi, kane ka kommittee kala lumthup ban phah ia ka kaiphot sha ka sorkar jylla.
U Chief Executive member jong ka KHADC la ong ba kane kam dei tang ka kaiphot, hyhrei ka dei ruh ka kynja dulir ban pynshisha halor ka jingkam ia ki jaka puta kiba hap hapoh ka jingpeit jong ka District Council.
U Bah Titosstarwell u la ong, kaei ka pud ka sam jong ka District Council, ka pud ka sam jong ka District Council ka long ba ki ieng halor ki map jong ki hima jong ki Khasi State, kaba ia sngewthuh ba ka jylla Meghalaya ka wan ha dien ka dang dap 50 snem mynta, katba ka KHADC kala wan naduh u snem 1952 bad ka KHADC ka pynskhem ia ki kot kisla halor kata ka nongrim.
Na ka liang jong ka KHADC kala buh ia ka jingialang ha Nongpoh ha ka 8th Naiweng 2021, ha kaba kin ia kynduh ia ki khlieh nongsynshar kiba hap hapoh jong ka Ri Bhoi District kaba ia dei bad ka jingia kajia pud bad ka Assam bad ha ka 12th Naiwieng 2021 kan don pat ka jingiakynduh na Nongstoin bad ha dien jong kane kinsa pynbit pynbiang ia ki kot ki sla bad ha dien kata kin sa ia kynduh ia ka sorkar jylla.
Ka jingleit ban ai ia ki kot ki sla sha ka sorkar Meghalaya kan long shuwa ba ka sorkar jylla kan leit ia kynduh ia ka sorkar Assam bad ka sorkar ka dei ban pynthikna ba ka jingiakren khappud bad ka sorkar Assam ka dei ruh ban shim ia ka jingshniah jong ki District Council.
Ka kaiphot kaba kin ai sha ka sorkar jylla ka long ban pyni sha ka sorkar jylla ba kane ka dei ka nongrimba ka KHADC ka ieng la ong u bah Titosstarwell haba kren ha ki lat pathai khubor mynta ka sngi.
