Shillong, Lber 13: Ka party TMC kala kyrshan ia kaei kaba u Dr. Mukul Sangma nongialam ka liang pyrshah u la ong ba u myntri rangbah ka jylla u dei ban khot ia ka jingialang jong baroh ki seng sain pyrthei ban ia kren kumno ban weng ia kine ki jingeh.
Ha kane ka khep kaba long kumne kaei kaba ka jylla Meghalaya ka don kam ka long ban wat ia ki lat ki lynti ban pynjai jai lyngba ki jingiakren kum ki nongialam ba don ia ka jingkit khlieh ban kam ban don ka jingsngewthuh ban wanrah ia ka jingsuk.
Kaei kaba la jia ha kine ki sngi ha Garo Hills ka long halor ka election sha ka iing dorbar jong ka GHADC kaba la shim ia ka rai ba kito kiba ia khun ia ka election ki dei ban don ia ka Schedule Tribes bad kane ka khang ia ki bym dei riewlum ban ia khun ia ka MDC Election bad kane kala long ka daw jong ka jingklumar.
U Augustine Marak nongialam ka seng Garo National Council ha ka khubor kaba u la phang ka long ba ka party ka kyntu ia u myntri rangbah ka jylla ban khot ia ka jingialang jong baroh ki seng sain pyrthei ban ia kren ia kane ka kam namar kane ka dei tang ka kam jong ka sorkar marwei.
Kum ka party ka kwah ba u myntri rangbah ka jylla un khot ia ka jingialang baroh ki seng sain pyrthei ban ia kren bad khlem da ia khwan burom dei ban ia shim lang ia ka jingkitkhlieh ban weng ia kane ka jingeh kaba don hakhmat mynta ba ka shong suk kan wan phaibiang.
