Shillong, Lber6: Ban wan rah iaka shongsuk shong sain ka kynhun Mothers’ Union, bad ka Garo Baptist Convention (ABDK) kila pynlong iaka jingialang ha Gimegre ka jaka pynsah ia kiba la ngat ha jingjynjar kaba hap hapoh ka Block Dadenggre.
Kumba ka long mynta ki don 1500 ngut ki briew kiba la hap ban sah ha ki jaka bala pynkhreh kyrpang, ha kane ka jingleit la synran lang iaki da ki pulit khnang ba kane ka jingleit ai jingiarap na ka liang ka Mothers’ Union bad ka Balang Garo Baptist Convention sha katei ka jaka.
Ki nongialam na kitei ar kynhun kila poi sha kane ka jingleit ai jingiarap ryngkat ki riew paw khmat ki long kumbe 75 ngut ia ka jingialang la pynlong hapoh ka jingialam u Additional Deputy Commissioner u Shri Pittingson R Sangma bad u Dr. Rikrak N. Marak uba dei u BDO ka Demdema Block.
Ki nongialam haba kren ha kane ka jingialang kila ban jur ba donkam ia ka jingsuk la kyntu iaki paidbah ba kim dei ban sngap iaki khubor ham saia kaba lah ban wan rah ia ka jingshong syier, na ka liang ki nongkren ki khot ki wer ban don ka jingiamap, ka jingiasuk, bad ka jingialong kawei da ka jingiatreilang ban wan rah ia ka jingsuk.
Ha kane ka jingialang la ban jur ruh ban burom ia ka hok jong ki trai ri trai muluk ha kaba pynioh iaka hok ka long kaba donkam na ka bynta ban don ka shongsuk shong sain, shwa ka jingialang la pynlong ia ka jingduwai ban kyrpad na ka bynta ban kyntiew iaka jingsuk ha ka dong bad ka thain.
