Shillong, Nailar 30: U myntri rangbah ka jylla u Conrad K Sangma haba jubab ia ka jingkylli jong u bah Ollan Singh Suin halor ka “Meghalaya Protection of Catchment Area, Act, 1990” la ong bay m shym lah ban pyntrei kam bha ia kane ka ain namar bym mynjur ki trai jaka.
Kane ka ain kam shym la don ia kata ka bor ban ai jingsumar ia ki tyllong um, lah ban leh ia kane tang lada ki ai jingmynjur ki trai jaka bad kane ka long kaba eh ban ioh, dei na kane ka daw ba ka sorkar mynta ka dang pynkhreh ban wan rah ia ka jingpynkylla ha kane ka ain.
Haduh mynta ka tnad sam um jong ka jylla kala dep ban wat jurip haduh 7000 tylli ki tyllong kum kiba don kam ban iada, bad kiba la don ha jingma ba ka um kan sa ryngat noh ki don 750 tylli.
Ki tyllong um kiba ka sorkar kaba lah ban ia da ia mynta ki long, ka tyllong um ha Rait Laban, Lum Shyllog, Laskein, Mawphlang, Kynshi, Nohkreh, Umiam, Myntdu, ka sorkar ka sngewthuh ia ka jingdon kam jong ka um namar ka dei ka thymmei jong ka jingim.
Ka jingkwah ban pynneh pynsah ia ki tyllong um kam dei tang ia kiba heh ne kiba rit hynrei ka wah ba baroh ki tyllong um dei ban pynneh ynsah ban pynthikna ka um ka dei ban don bad ban iada ia ki tyllong um.
