Shillong, Lber 23: U Myntri Rnagbah ka jylla u Conrad K Sangma haba jubab ia ka jinglylli u bah Charles Marngar haba ia dei bad ka jingiasoi soskular hapdeng ka jylla Meghalaya bad Assam ha kaba ia dei bad ka kam pynbeit pud u myntri rangbah la ong ba hooid kala don kaba kum katta ka jingiasoi soskular.
Haba jubab ia ki jingkylli bynrap, u myntri rangbah la ong ba ia ka soskular ym buh ha iing dorbar khnnag ba ki dkhot ka iing dorbar kiba don kam kin ioh ia ka bad ki lah ban pynpoi sha ki rangbah shnong jong kito ki shnong kiba don kam ia ka, namar ka sorkar kan nym lah ban pynpoi sha ki.
Haba ia dei bad ka jingshah pynsangeh ki jingtrei ha khappud, u myntri rangbah kla ong ba 99% ki jingtrei kila iaid beit khlem don kano kano ka jingpynthud la ong hooid ki don ki jaka ba don ka jingpynthud ia kaba ka sorkar mar ia ioh jingtip kala shim khia ban ia kren bad ki bor sorkar jylla Assam.
U Myntri Rangbah la ong ba ka jingpynsangeh ia ki jingtrei kam dei tang na ka jylla Assam hynrei wat ki briew jong ka jylla Meghalaya ruh ki pynsangeh ia ki jingtrei kiba la pyntrei da ka jylla Assam, kine ki jingjia ki long namar ka jingbym ia sngewthuh tang ha kito ki jaka ym na ka liang ka ki bor sorkar.
