New Delhi, Lber 16: U Myntri kam pohiing jong ka sorkar pdeng uba dei ruh u Myntri ka tnad treilang u Amit Shah mynta ka sngi u la ai jingkren ha ka jingialang ba 57 jong ka All Bodo Students’ Union (ABSU) kum u Kongsan ha Kokrajhar, Assam.
Ha kane ka sngi la ia donlang u Myntri Rangbah ka jylla Assam u Dr.Himanta Biswa Sarma, u Lamphang ka iing dorbar thawain ka jylla u Biswajit Daimary, u Union Home Secretary, bad u Director ka Intelligence Bureau (IB), ryngkat katto katne kiwei pat ki kynrem ki lyndan.
Ha ka jingai jingkren jong u, u Myntri kam pohiing jong ka sorkar pdeng Amit Shah u la ong ba ka All Bodo Students’ Union (ABSU) ka don ka bynta kaba khraw ban wanrah ia ka shongsuk shongsain, ka roi ka par, bad ka jingdon ka jingkyrmen ha ka thain.
Khlem ka bynta jong ka ABSU, ka Bodo Accord kan ym lah ban long, bad ka shongsuk shongsain kan ym lah ban long ha Bodoland. Ha kane ka sngi u Shah u la pyndon burom ruh ia san hajar ngut ki briew kiba la len lade na ka bynta ka shongsuk shongsain ha Bodoland.
U Amit Shah u la ong ba mynta, haba ka Bodoland baroh kawei ka bud ia ka lynti kaba la pyni da u nongialam jong ka, u Upendra Nath Brahma, ka sorkar ka la rai ban jer kyrteng ia kawei ka surok ba pawnam ha nongbah Delhi kum ka jingai burom ia u Bodopa Upendra Nath Brahma Marg.
U la ong ruh ba ha ka taiew ba nyngkong jong u bnai Iaiong, yn pynlong ia kawei ka prokram ha Delhi ha kaba yn plie ia ka dur jong u Upendra Nath Brahma . U la ong, ka sorkar Modi bad ka sorkar Assam kin pynurlong ia kawei pa kawei ka jingangnud jong u Bodopa Upendra Nath Brahma.
U Myntri kam pohiing ka sorkar pdeng, Amit Shah u la ong ba ka ABSU ka kyntiew ia ka pule puthi, ka jingpynkupbor, bad ka roi ka par. Dei na ki sienjam jong ka ABSU ba mynta, ki khynnah skul ki lah ban ialeh ia ki eksamin jong ki haduh ka klas 12 ha ka ktien Bodo.
Kumta la ithuh ia ka ktien Bodo jong ngi bad kan nang kiew shaphrang katba dang iaid ki snem. Shuh shuh u la ong ba ka jingïalang mynta ka sngi ka pyni ia ka jingseisoh ka jingwanrah ia ka shongsuk shongsain ha Bodoland.
U Amit Shah u la ong ba ha ka por ba la iasoi ia ka soskular iasuk jong ka Bodoland Territorial Region (BTR) ha ka 27 tarik Kyllalyngkot 2020, ka liang pyrshah ka la kynthoh ia ka. Hynrei mynta, ka sorkar pdeng bad ka sorkar Assam ki la pyndep haduh 82 percent ia ki kyndon jong kane ka jingiatehsoskular.
Shuh shuh u la ong ba hapoh ka jingialam jong u Myntri Rangbah duh ka ri, Narendra Modi, ka sorkar India kan pyntreikam 100 percent jong kane ka jingiateh soskularha ki ar snem ban wan. Hadien kata, kan don ka shongsuk shongsain ba shirta ha ka BTR.
U Myntri kam pohiing ka sorkar pdeng,Amit Shah u la ong ba hapoh ka jingiateh soskular iasukha BTR, ka sorkar kala weng noh ia ka Armed Forces (Special Powers) Act (AFSPA) na baroh kawei ka thain BTR ha ka 1 tarik Iaiong, 2022.
U la ong ruh ba hapoh ka prokram ‘One District, One Product’ (ODOP) jong ka sorkar India, mynta, u tit ba pynmih ha Kokrajhar, ba la tip kum “Mushroom FromBodoland,” kidei kiba lah ban ioh ha ki jaka bam ha Delhi.
Kane ka la long kaba lah namar ka jingdon ka shongsuk shongsain ha Bodoland. U la ong shuh shuh namar ka shongsuk songsain, ka Bodoland ka la ïoh ban pynlong ïa ka lympung ïalehkai ‘Durand Cup’. U la kyrpad ïa ki nongïalehkai jong ka Bodoland ba kin sdang noh ïa ka jingpynkhreh na ka bynta ka jingïalehkai Olympic kaba lah ban long ha India ha u snem 2036.
U Amit Shah u la ong ba palat shi sorjon ki mar na Bodoland ki la ioh ia ka Geographical Indication Tag. Kumta, sukisuki la nang pynmih ia ki karkhana ha kylleng ka thain BTR. U la ong ba ka la don ka por ba ki la don ki jingiakren shaphang ka jingiakulmar bad ka jingiakhih pyrshah ka ri ha Bodoland, hynrei mynta, ka jingphaikhmat ka long sha ka pule puthi, ka roi ka par, bad ki kam karkhana.
U Myntri kam pohiing jong ka sorkar pdeng uba dei ruh u Myntri ka tnad treilang u la ong ba hapoh ka jingialam jong u Myntri Rangbah duh ka ri u Modi, ka sorkar India bad ka sorkar Assam ki la mang ₹1,500 klur na ka bynta ka roi ka par ha Bodoland, wat la ka jingbun briew ha katei ka thain ka long tang 3.5 million ngut.
U la ong ruh ba ha ka por jong u Myntri Rangbah barim u AtalBihari Vajpayee, ïa ka ktien Bodo la pynrung ha ka Khyrnit ba phra jong ka ritisynshar ka ri. Nalor kata, la pynheh shuh shuhia ka thain BTR da kaba kynthup ia ki Distrik Sonitpur bad Biswanath.
U Amit Shah u la ong ba da ki spah ngut ki samla ki la iasoh bad ka imlang sahlang. La wan pyndem bun ki tiar ialeh, bad ha kine ki san snem ba ladep, la pynlut ₹287 klur ha ka ban ai jingiarap ia 4,881 ngut ki dkhot jong ka National Democratic Front of Bodoland (NDFB) ha Assam, ha kaba 90 percent na kane ka pisa la ai da ka sorkarModi.
U Shah u la kdew shuh shuh ba la leh shibun ki kam na ka bynta ka ioh kam ioh jam bad ka jingkyntiew ia ki sap treikam. Ki seng treimon sngewbha ki la don bynta ha baroh ki kam, kynthup ia ka SIP&RD, KVK, KVIC, kam ri jingri, kam ri dohkha, bad kam horticulture, ban iatreilang bad ki briew jong ka thain bad ban iarap ia ki ban kiewshaphrang.
U Myntri kam pohiing jong ka sorkar pdeng u la ong ba u Myntri Rangbah ka jylla Assam u Dr.Sarma u la sdang thymmai da kaba pynrung kam 400 ngut ki samla Bodo ha ka Assam Commando Battalion.
U la ong shuh shuh ba hapoh ka jingïalam jong u Myntri Rangbah duh ka ri u Modi, ka Sorkar India ka la ïasoiïa ki jingïateh soskularbad baroh khyndai tylli ki kynhun lehnoh ha Assam, kaba la wanrah palat 10,000 ngut ki samla sha ka imlang sahlang.
U Amit Shah u la ong shisien ki ju don ki jingiaumsnam, mynta ki samla Bodo ki rah ia ka lama jong ka ri. Kane ka pyni ia ka khubor sha ka ri baroh kawei. U la bynrap haba la iasoi ia ka Bodo Accord, ym tang ka Bodoland bad ka Assam hynrei ka ri baroh kawei ka kmen. Kumba ki briew jong ka Bodoland ki ieidia ka ri, ka ri baroh kawei ka ieid ia ka Bodoland bad ki briew jong ka bad ka kut jingmut ban kyntiew ia ki samla jong ka.
U Myntri kam pohiing ka sorka rpdeng u la ong ba ka niam Bathou, kaba ki briew jong ka Bodoland ki ngeit, kalong kaba kongsan. U la batai ba ia ka Bathou la thaw da ki ar tylli ki bynta, bad ka jingmut jong ka ka long “ka jingmaian kaba jylliew jong u nongthaw ia ki san tylli ki bynta.
” Ki san tylli ki bynta, ne panchatatva, ki kynthup ia ka ding, ka lyer, ka khyndew, ka bneng, bad ka um, kiba long ka nongrim jong ka niambakhraw jong phi. U la ong ruh ba u ialeh ban pynsaphriangia ka khubor jong ka niamBathou.
U Amit Shah u la ong ba hapoh ka jingialam jong u Myntri Rangbahduh ka ri, Narendra Modi, ka thain shateilammihngi baroh kawei ka la lait na ki jingeh kum ki kam pyntriem, ki jingiakhih, ki pakhang shnong, ki jingiakhih, bad ki jingiaumsnam, bad la ialam sha ka lynti jong ka roi ka par.
U la ong ba dang shen, ka Investment Summit ka la long hapoh ka jingialam jong u Myntri Rangbah duh Modi bad u Dr.HimantaBiswaSarma, kaba la wanrah ka jingbei tyngka kaba ₹5 lak klur sha Assam. U la kyrpad ia ki samla Bodo ba kin pynleit jingmut ha ka jingpule bad ban noh synniang sha ka shongsukshongsain.
U la ong shuh shuh ba ka thong ka long ban tei ïa kum kine ki jingdon jingem ha Bodoland ba ki samla Bodo kin lah ban ïakhun bad ki samla na kylleng ka pyrthei. U la pynthikna ba ka Sorkar India bad ka Sorkar Assam kin trei borbahban kyntiew ïa ka Bodoland
