Shillong, Naitung 18: U Sub-Divisional Officer ka Sohra Civil Sub Division la ong ba bun ki trok 16 shaka ki iaid na Shella sha Sohra bad ka jingkit jong ki ka long palat ia kaba la buh ban kit bad ia kane la ioh ia ka jingujor na u Sirdar, ki sordar ki rangbah shnong.
Ka jingiaid jong kine ki trok kiba la kit palat pud ka buh ia ki nongleit nongwan ha ka jingma ha shilynter katei ka surok bad kane ka wan rah ruh ia ka jingdheng kali khatam ha ki khongdong bad kala juh don ruh ka jingkhyllem ki trok ha kum kine ki jaka.
Ka jingiaid kine ki kali ka pynjulor ruh ia ki surok kiba dang dep shna bad ka buh ruh ia ki paidbah ha ka jingma, kumta ban khanglad ia kane ka jingkit palat pud na ka liang jong u SDO u la pynmih ia ka hukum hapoh jong ka 163 Bnss, 2023 bala khang pyrshah ia ka jingiaid kine ki kali kot palat pud.
Ka jingkit ia ki maw ha pdeng ka por 5.00 baje jan miet haduh 8.00 baje mynmieit la khang ia ki kali ba kin iaid na Sohra sha Shillong, lada lap ba dob kiba pynkhein kin shah pynshitom katkum ka ain, namar ka jingdon kam kyrkieh kane ka hukum kan trei kamnoh naduh ba pynmih ia kane ka jingpynbna.
