Shillong, Naitung 14: Mynta ka sngi ki samla pule jong ka Synod College kiba dei na ka English Department kiba don ia ka Intenship bad u SP News Agency kila ia kynduh ia ki nongialam ka seng HANM ha ophis treikam ka seng ha Mawkasiang.
Ha kane ka jingia kynduh kila ia mir jingmut halor ka jingtrei kam ki seng bhalang ha kane ka jylla Meghalaya bad ka seng HANM kala dei kawei na kiba la paw ha kane ka jylla Meghalaya kaba kynthup ia baroh kawei ka jylla.
Ha kane ka sngi ki nongialam ka seng khamtam u President u bah Lamphrang Kharbani u la iathuh ba ka nongrim jong ka seng ka long ha ki lai tylli ki bynta, kaba nynkogn ka long ban ia da ia u pud u san kaba kila pyni da ka kam ruh.
Ka seng ka ladei kawei na ki seng bhlang kiba la kyrshan ia ka jingdawa ia ka ILP ha kane ka jylla, kala leit ruh kum ka seng sha Delhi ban iakhih shongkyllain mungor ba dawa na ka sorkar pdeng ba kan pdiang ia kaei kaba ka sorkar jylla kala shim ia ka rai bad kumjuh ban ithuh ia ka ktien Khasi bad Garo ha ka khyrngit kaba phra ka riti synshar ka India.
Na ka liang ki samla pule kila buh ruh ki jingkylli ia ka seng ha kaba bun ki liang bad ki nongialam ka seng kila pynshai khamtam eh ha kaba ia dei bad ka ioh kam ioh jam ki sampule ka jylla, ha kaba ka seng kala pynsngwthuh ba ka kam kam dei eh rung tang ka kam sorkar hynrei ki don ki kompnei ruh ha kane ka jylla.
