New Delhi, Nohprah 18: Ka adidas, kaba aiti ban pynroi ïa ka kolshor ba ïalehkai ba bun jait ha India, ka la pynïasoh lang bad u riew pawkhmat jong ka phutbol u Lionel Messi bad katto katne ki nongjop pyrthei ba ai mynsiem tam jong ka ri.
Ha khmat ka Purana Qila kaba donburom, kane ka khyllipmat ka pynskhem ïa ka jingthmu ba neh jong ka adidas ban thaw ïa ka madan pyrthei na ka bynta ka jingïalehkai ha kaba ïa ka jingtbit la ithuh bad rakhe shabar ki pud.
Ka jaka pateng kaba pawnam ka la kylla long ka jingïakynduh lang jong ka jingkhraw katba u Messi u la ïasam ïa ka jingïakren kaba duna bha bad u Sumit Antil (World Para Athletics Champion – Javelin), ka Nikhat Zareen (Women’s World Boxing Champion), ka Renuka Thakur (Women’s T20 World Champion), bad u Kuldeep Yadav (Men’s T20 World Champion).
Kham palat ban ia ka jingialang, kane ka la long ka jingiakylliang ia ka jingburom hapdeng ki nongialehkai kiba la ioh ia ka jingkhraw ha la ki jong ki jong ki jingialehkai ha ka kyrdan pyrthei.
Naduh ki jingjop jong u Messi ha ka World Cup jong ka FIFA bad shabar haduh ka jingsynshar jong u Sumit bad u Nishad ha ka jingïalehkai para-athletic, ka jinglong thikna jong ka Nikhat ha ka rynsan, bad ki jingshlur jong ka Renuka bad u Kuldeep ha ka World Cup, kane ka jingïalang ka la pyni ïa ka ktien ba ïasam lang jong ka jingburom ïa ki nongïalehkai ha kylleng ki jingïalehkai.
Da kaba pynïasoh lang ïa ki nongjop na ka phutbol, kriket, ïalehkai boxing, bad ka jingïalehkai para-athletics, ka adidas ka la pynpaw biang ïa ka jingngeit jong ka ba ka jingïalehkai ha India ka nang kiew shabar ki pud.
Haba kren ha kane ka khyllipmat, u Vijay Chauhan, GM jong ka adidas India, u la ong, “Ha ka adidas, ngi ngeit ba ka jingïalehkai ka dei ka jingpynïatylli kaba khraw tam. Ka jingwanrah ïa u riew pawkhmat kum u Lionel Messi ryngkat bad ki nongïalehkai ba tbit tam jong ka pyrthei jong ka India bad ban ïohi ïa ki ba ki ïakynduh bad ai mynsiem iwei ïa iwei pat, ka pynskhem ïa kane ka jingngeit.
Kane kam dei tang shaphang ka jingkhraw jong uwei pa uwei, hynrei shaphang ka mynsiem ba ïatylli jong ki lai tylli ki strip kiba pynïasoh ïa ki nongïalehkai ha kylleng ki pud bad ki jingïalehkai.
Haba ïasam ïa ka jingshem jong u, u Lionel Messi u la ong, “Ka jingïalehkai kam tip pud, bad ka jingïakynduh ïa kine ki nongjop ba phylla jong ka ri India mynta ka sngi ka la long ka jingpynkynmaw ba watla ki jingïalehkai kiba ngi ïalehkai ki lah ban long kiba pher, hynrei ka jingsngewtynnat bad ka jingthmu ban jop ka long kumjuh.ka adidas ka la ju ieng na ka bynta ki nongialehkai ha kylleng ka pyrthei, bad ka long ka kabu ban ieng ryngkat bad kine ki nongialehkai pyrthei kiba thoh ia la ka jong ka histori bad ai mynsiem ia ka pateng kaba thymmai ha India.”
Kane ka jingïatylli kaba pawnam ha Purana Qila ka long kum ka jingpynshisha kaba khlaiñ ïa ka mynsiem adidas, kaba wanrah lang ïa ki khanatang jong kane ka juk mynta ban ai mynsiem ïa ki nongjop jong ka lashai, ba la pynïasoh lang da ka jingthmu ban pynkhih ïa ki pud bad ban batai biang ïa kaei kaba lah ban long.
