Shillong, Naitung 31: Mynta ka sngi u Vijay Kumar M u la leit ban ia kynduh ia ki nongialam jong ka All Meghalaya SSA Non teaching Staff association kiba la pynlong ia ka jingiakhih shah thngan ka jong ki ha Madan Malki bad u la sangap ia ka jingdawa ka jong ki.
Ha dien bala sngap ia ka jingeh ka jong ki u la pyntip sha u myntri rangbah ka jylla bad na ka liang jong u myntri rangbah ka jylla la ong ba un khot ia ka jngialang la shai ka sngi bad ki ophisar bad u myntri rangbah u la kren ia ki bad la pynsngew ba ia ka jingdawa jong ki ka sorkar kan sa pdiang.
Ka All Meghalaya SSA Non teaching Staff association mynta ka 31 tarik Naitung 2024 ka la pynlong da ka jingiakhih shong kyllian mungor ba khlem buh por ia ka ba ki la pynlong ha Madan Malki ha ka ban dawa na ka sorkar jylla ban kyntiew noh ia ka tulop na ka 25 sha ka 80 percent ka bai nong trei jong ki.
Ha ka jingiakren bad ki nongthoh khubor na ka liang ka kong Jennifer june Synrem kaba dei ka President ka kane ka kynhun ka la ong ba ka rai ban mih madan ka dei beit, ban dawa na ka sorkar ban kyntiew noh ia ka tulop jong ki sha ka 80% na ka ba ki ioh mynta nalor ka 2% kum ka jingshakri ka ba la kham slem ha ka kam bad 5% ban pynkiew ia ka tulop ne ka ingrement.
Ka kong Jennifer ka la ong ruh ba ka jingleh mutlop jong ka Sorkar ia ki jingdawa jongki ka la pynlong ia ki ba kin hap ban mih shakhmat ban dawa ia ka hok jong ki ia ka ba ka sorkar ka la leh klet mynta la kum ba 8 snem tam kynthih ha ka ba ka bai a dei bad ka jingsiew sha ki. Ka la ong ruh ha ba ia nujor bad ki jingdon kam ka ba manla ka sngi.
Ka kong Jennifer ka la ong ruh ba na ka liang jong ki, ki la ioh ban pynsngew na ka por sha ka por sha ki bor ba halor kum sha u Education minister bad sha kiwei kiwei pat hynrei ki shu mih beit tang ki jingkular khlem seisoh eiei ta ka daw kim banse ban mih shakhmat ban pynlong Ia Kane ka jingiakhih shong kyllain mungor.
