Shillong, Nailur 15: Mynta ka sngi ki riew ngeit kiba hap ka parish Pynthorumkhrah kila ia shimbynta da ka jingshit ryhem ha ka sngi rakhe ia ka sngi purom jong ka parish, ryngkat ka pud ka tem.
Ia kane ka jingleh kmen la pynlong ha ha iing mane U Petrus bad Paulus Bakhuid da ka jingnguh blei ha ryngkat ki paid riew ngeit bad ki ar ngut ki sohblei kila pynshoh biej shuh shuh ia ki paidbah ka jinglah jong ki ban tem da ka sap ka phong kaba ki don.
U Lyngdoh sohblei u phadar Alister Marweiñ u la tem ia ka jingtem Saxaphone bad ia ka Acordian la tem da u phadar Laurence Nongkseh ha ka jingrwai “Thou how Art” ha kaba ki paidbah riew gneit kila shah skhor ia ki jingrwai.
Lehse ka dei ka sien ba nyngkong ia ka shnat niam Pynthorumkhrah ban rakhe kyrpang kum ka Shnat Niam hadien ba ka Sub District S Mawpdang ka la ioh kum ka Shnat Niam thymmai bad ka khlad noh na Pynthorumkhrah.
Ka Pynthorumkhrah mynta ka don sa tang 6 tylli ki CMC ia kaba kam ba ju ioh bynta ki Sub District ne ki balang shnong ka hap pyndap hi. Haba kynmaw ka Shnat Niam Pynthorumkhrah ka dei ka Shnat Niam kaba roi sted bha ha Jylla Niam Bah Shillong haba ki paid U Blei bad ki Lyngdoh Nongsharai ki iatreilang.
Shuh shuh ka khubor kaba sngew tynnad ka long ba ki Lyngdoh Nongsharai kim khuslai ia ka kam mynsiem ki paid u Blei ki tip ia ka kamram khristan. Ha jingleh burom jong ka shnat Niam Pynthorumkhrah ka long kaba riewspah bha namar ka Balang ka Saiñ dur lypa ia kam lehniam bad lehkmen katkum ka jingdawa jong ka por.
