Shillong, Kyllalyngkot 18: Ka tnad karkhana jong ka sorkar Meghalaya ha ka 16/1/2026 kala ia soi ia ka soskular ia sngewthuh jingmut bad ka Amazon bad kane ka long ka sien kaba nyngkong ba kin ia treilang.
Ka ne ka soskular kaba la ai soi ka long ban die tiar ki tiar kiba la pynmih na kane ka jylla ha ka iew jong ka Amazon, ha katei ka sngi kila don kumba 100 ngut ki kiba la ia donlang kbia dei na ki kynhun shna tiar ia kaba la hikai kumno ban dei ia ki tiar lyngba ka Amazon’s Karigar.
Na ka liang jong ka tnad karkhna ka sorkar jylla kala pynshlur ia ki briew ba don ia ki karkhana pynmih tiar ba kin resgiter bad ka Amazon bad kin lah ban die ia ki tiar jong ki lyngba ka iew jong ka Amazon lyngba kane ka jingiatreilang.
Na ka liang jong ka Amazon la wan ban mih khmat da ka Sarita Tiwari bad na ka liang jong ka sorkar Meghalaya la mihkhmat da u bah F. Sutgna Director ka tnad karkhana, ka kong M. L. Wanshnong, Joint Director; kong Daphiralin Kharjana, M.D. ka MHHDC.
Ki dkhot jogn ka RAMP, SPIU bad kiwei kiwei ki heh kila kren ha kane ka jingiakynduh lang bad ia ka soskular la soi hapoh ka kkyrteng Raising and Accelerating MSME Performance (RAMP) ki skhim kiba la kyrshan lyngba ka MoMSME kaba dei ka bynta jong ka Meghalaya Handloom bad Handicrafts Development Corporation (MHHDC), kaba dei ka kompeni jong ka sorkar hapoh jong ka tnad karkhana.
