Shillong, Rymphang 06: Ka sorkar jylla ka la pynjur ia ka jingthwet ia ki lehnoh kiba trei kam ha Garo Hills khnang ban khanglad ia ki na ka jingpynthud ia ka election sha ka iing dorbar thawain ka jylla kaba la buh ban long ha ka 23 tarik mynta u bnai.
Mynta ka sngi ka la don ka jingiather kuli hapdeng ki pulit SWAT bad COBRA bad ki lehnoh kiba la suba ba ki dei ki jong ka seng GNLA ha ka jan Songsak ha ka jaka kaba la tip kum ka Bolchugre.
Ha kane ka jingiasait la sdang nyngkong dsa ki lehnoh haba ki la iohi ba ki pulit ki la rung hapoh shnong ka jingiasait ka la neh katto katne por hynrei ki lehnoh da ka jingshim kabu ia ka jingdon ki khlaw ba reben ki laioh lad ban phetkrad.
Na ka liang jong ki bor ba dei peit ia ka District Adminstration jong ka East Garo Hills ki la pynlhlain shuh shuh ia ka jingkhynra ia ki lehnoh ha katei ka District ban pynthikna ba kim dei ban ioh lad ban pynthud ia ka Election.(SP News)
