Shillong, Kyllalyngkot 31: Kum ka dak jong ka jing burom iaka jingkhlad noh u Kpa ka Ri India u Mahatma Gandhi. Mynta ka sngi naka liang ka Seng Congress jong ka Ri Bhoi District Congress Committee kala pynlong daka jingiakhieh ka ba jar jar kum ka dak jong ka jing pyrshah bala pyn kylla iaka Skhiem MGNREGA 100 sngi sha ka Skhiem VB -G RAM G kaba 125 sngi kaba la long ha Byrnihat Ri Bhoi District.
Haka ka sngi ka sngi la iadonlang u President jong ka Ri Bhoi District Congress Committee u Bah Rocky Marwein u Secretary u Bah Defender Lamare ryngkat u President ka Jirang Block Congress Committee u Bah Phrangsngi syngkli lem bad kiwei kiwei ki nongkitkam jong ka Seng Congress.
Haba ai jingkren naka liang u President ka Ri Bhoi Congress Committee u Bah Rocky Marwein u la ong ba kum ka Seng Congress ka pynpaw iaka jing pyrshah kaba jur iaka Sorkar BJP kaba lamkhmat iaka Sorkar Pdeng hapoh kari baroh kawei ba kala pynduh pyndam noh iaka Skhiem MGNREGA kaba lah ban trei 100 sngi bad ka Sorkar BJP kala pynkylla noh sha ka Skhiem VB -G RAM G kaba lah ban trei 125 sngi.
Bad u la bynrap ruh daka ba ong ba kane ka Skhiem kaba thymmai ka don ka jingiapher shibun bad ka Skhiem MGNREGA ba ka Skhiem MGNREGA ba man u wei pa u wei u nong shong shnong u donhok ban bylla iaka jing bylla kaba 100 sngi ba hakane ka ain kaba thymmai ba u nongshong shnong ba ju ioh ban trei man ka por mynta ki lah ban trei katkum ka jingkwah jong ka Sorkar Pdeng.
Ki shnong ki thaw kin nym ioh hok shuh ban pyntrei ia kane ka Skhiem hynrei dei tang kitu ki shnong ba ka Sorkar BJP ka jied kyrpang ban pyntrei iakane ka Skhiem la kynnoh u tei unongialam ka party Congress ha ka jingialang ha nongpoh.
