Shillong, Risaw 15: U Myntri Sorkar Pdeng ba dei khmih ia ka Tnat ka koit ka khiah, u Dr.Mansukh L. Mandaviyamynta ka sngi u la pynlong ka jingleitjngoh ha Meghalaya, ryngkat ka jingleitjngoh kyrpang ia ka Ri Bhoi District, kaba la ioh jingithuh kum ka Aspirational District.
Ka Myntri ba dei khmih ia ka Tnat ka koit ka khiah jong ka jylla Meghalaya, ka Dr.AmpareenLyngdoh, u Deputy Commissioner jong ka Ri Bhoi, uArpitUpadhayaya, u Superintendent of Police jong ka Ri Bhoi, u Giri Prasad, MD, NHM uRamkumar S bad ki ophisar na ki tnat ba dei khmih ki la synran lang ia u Myntri Sorkar Pdeng ha kane ka jingleitjngoh ba kyrpang jong u.
La sdang ia kane ka jingleitjngoh da kaba leitjngoh ia ka Health and Wellness Centre ha Umsaw Nongkharai, ha kaba u Myntri Sorkar Pdeng ba dei khmih ia ka Tnat ka koit ka khiah u la iakren bad ki nongtrei ASHA bad kiba don ia ka smart card ban lum jingtip halor ki jingmyntoi ba ki ioh ha ka por ba ki shitom lyngba ka Smart card.
Kane ka long ka sienjam hapdeng ka sorkar jylla bad ka sorkarpdeng. Hadien kane, la pynlong ia ka jingialang peit bniah halor ka prokram Aspirational District ha Conference Hall jong ka ophis Deputy Commissioner haNongpoh.
Ka Dr.AmpareenLyngdoh ka la bataiia ka jingthmu jong ka jingwan u Myntri Sorkar pdeng ha ka jingialang peit bniah. Ka la ong ba u Myntri Sorkar pdeng u la plieia ka Regional Cancer Centre bad kiwei ki jingshakri ha NEIGRIHMS Hospital.
Ka Dr.Lyngdoh ka la ban jur ba ka jingphaikhmat jong u Myntri Sorkar pdeng kalong halor ka jingkongsan jong ka jingkylla na ka Aspirational District sha ka Inspirational District ban weng ia ka jingduk bad ka jingkyntiew ia ka roi ka par kaba pura na ka bynta ka bha ka miat jong ki briew jong ka jylla bad ka ri hi baroh kawei.
