New Delhi, Nailur 19: Ka Financial Action Task Force (FATF) ka la iaroh ia ki sienjam jong ka India ban pyntreikam ia ki lad ban tehlakam ia ki kam pisa beain ba kynthup ka jingbuhrieh ia ka pisa na ka bynta ki kam beain bad ka jingbei tyngka ia ki kam pyntriem.
Ha ka jingiakren bad ki lad pathai khubor ha New Delhi mynta ka sngi, u VivekAggarwal, Additional Secretary, Revenue, ka Tnad Kam Pohiing u la ong ba ka kaiphod Mutual Evaluation na ka bynta ka India ‘Anti-Money laundering and Counter terrorist financing Measures’ FATF ka ong ba ka India ka la lah ban pyndep ia ka high-level jong ka jingbud ha ki kam teknikal haba iadei bad ki jingai jingmut ka FATF. Ka India ka la shim ia ki sienjam ba heh ban pyntreikam ia ki senjam ban tehlakam ia ki kam pisa beain, la ong ka kaiphod.
Ka jingpeit lang ka FATF-APG-EAG ka la ong ba ka India ka la pyntreikam ia ka anti-money laundering bad counter-terrorist financing (AML/CFT) kaba la seisoh bha. Ki bor ba dei peit ki pyndonkam ia ka jingnang jingstad ha ki kam pisa bad ka don ka jingiatreilang hapoh bad shabar ka ri.
U VivekAggarwal u la pyntip ruh ba hadien kane ka jingpeit, la buh ia ka India ha ka “regular follow-up” kaba dei ka jingbuh kyrdan ba halor tam da ka FATF. Ka UK, France bad Italy ki dei ki ri G-20 kiba la don ha kane ka kyrdang ha ryngkat ka India, u la ong.
Kane ka kaiphod ka ong ba ka India ka la shim ia ki sienjam ba heh na ka bynta ka jingai bynta ia baroh ha ki kam pisa, ha kaba ki briew jong ka ri kiba don bank account ki la kiewarshah, ka la kyntiew ia ka jingpyndonkam ia ki lad ai jingsiew digital. Kine ki sienjam ki la wanrah ia ka jingshai ha ki kam pisa kiba iarap ia ki sienjam AML bad CFT.
Watla ki jinglong jingman ha India ki long kiba iarki bor ba dei peit ha India ki iatrei lang ha ki kam ban tehlakam ia ki kam pisa beain ba kyntup ia ka jingpyndonkam ia ka jingstad ha ki kam pisa. Ka India ka la sakhi ruh ia ki jingseisoh haka jingiatreilang bad kiwei kiwei ki ri, ka jingkurup biang ia ki jingdon jingem bad ka jingpyntreikam ia ki sanction.
Ka don ka jingsngewthuhia ki jingma bad ki lad ban tehlakam ha ki kam pisa, khamtam da ki bank. Ki bor ha India ki sngewthuhbha ruh ia ka jingbuhrieh ia ka pisa na ka bynta ki kam beain, ki kam pyntriem bad ka jingbun ki jingma ha ki kam pisa hynrei ki donkam ban iasam ia ki jingtip shaphang kine ki jingma bad kiwei kiwei kiba don bynta ha kane ka kam, la ong ka kaiphod.
Ka ong ruh ba ka India ka iakynduhia ki jingma kiba heh ha ki kam pyntriem bad ki kam bei tyngka ia ki kam pyntriem ba kynthup ia kito kiba iadei bad ka ISIL lane Al Qaeda. Ka India ka la pyni ia la ka bor ban pynlong ia ki jingjurip kiba jynjar ha ki kam pisa hynrei ka dei ban peit kham bniah ia ka jingpyndep ia ki jingpynshitom bad shim ia ki sienjam pyrshah ki nongbei tyngka na ka bynta ki kam pyntriem.
Ka la ong shuh shuh ba ka ri ka dei ban pynthikna ba ki sienjam kiba thmu ban tehlakam ia ka jingpyndonkam ia ki kam khlem iohnong ban bei tyngka ia ki kam pyntriem ki dei kiba la pyntreikam katkum ka jingsngewthuh ia ki jingma, ba kyntup ia ka jingai jingtip ia ki kynhun kiba trei khlem iohnong shaphang ki jingma ba don ha kaba iadei bad ka jingbei tyngka ia ki kam pyntriem.
Ki kynhun kiba trei ha ki kam pisa ki dang shim ia ki sienjam ban pyntreikam ia ki sienjam na ka bynta ki Politically Exposed Person (PEP). Hynrei ka India ka donkam ban peit ia ka jingduna ka jingpeit ia ki PEP hapoh ka ri ha kaba iadei bad ka jingbud ia ki kam teknikal bad ka jingpynthikna ba ki kynhun ba ai jingtip ki pyntreikam ia kine ki jingdonkam.
Ka jingpyntreikam ia ki sienjam ai jingiada da kito ki bym trei ha ki kam pisa bad kito kiba ai jingshakri virtual asset bad ka jingpeit ia kine ki kam ha ka por kaba biang. Ka India ka donkam ban kyntiew ia ka jingpyntreikam ia ki jingtehlakam ha ka pisa ia kito kiba trei ha ki kam kiba iadei bad ki mawlynnai bad kiwei kiwei ki nar kiba heh dor namar ka jinglong jingman jong kane ka kam.
