Shillong, Iaiong 10: Ki thei bad ki rang ialehkai na kane ka jylla Meghalaya kila lehbha ha ka jingialehkai kaba la pynlong da ka sorkar pdeng, Khelo India Tribal Games da ka jingthmu rah burom ia ka ri, ha kane kajingialehkai ka jylla Meghalaya kala leh bha ha kaba kala ioh ar tylli ki takma ksiar bad hynniew tylli ki takma Rynong.
Kane ka jingilehkai ka Khelo India Tribal Games 2026, kala long ha Chhattisgarh naduh ka 25/Lber/2026 bad kala kut ha ka 3/Iaiong/2026, kiba la ioh ia ki takma ha kane ka jingialeh ki long u Donkupar L. Shadap na Nongpoh, Ri-Bhoi, ula ioh ia ka takma ksiar ha ka jingiakop siat khnam ia u la hikai kyrpang da u Mim Bahadur Gurung bad u Nandkishore.
Ka samla Kate Diamond Lyngdoh na Mawlai Kynton Massar, Shillong kala ioh ia ka takma ksiar ha ka jingsait khnam ha ka liang ki kynthei, ka long ka burom ha kaba ka dei ka samla kaba dang pulehynrei kala lah ban bate ia ka por hapdeng ka jingpule bad ka jingialehkai.
Ki ryntih sait khnam ka dor jong ki long haduh lai lak tyngka, hynrei kila ioh ban shah hikai ha ki tiar kiba kynsai lyngba ka Archery Association of Meghalaya bad ka jingkyrshan na u myntri rangbah ka jylla bad ka long ka burom ba kila ioh takma ksiar.
Kibala ioh ia ka takma Rynong ki long u Juh Pa U Juh Nongtdu na Nartiang ha ka jingialehkai ia khun kti ha ka kyrdan 60 kilo lem bad kiwei kiwei ki nongialehkai bad kumba ka long mynta ki don 300 tylli ki jaka ialehkai bad kiba ia shim bynta ha ki jingialeh ki don 35000 ngut ha ka jylla bad ka jylla mynta ka paw kum kawei kaban kiew ha ki kam ialehkai.
