New Delhi, Nailar 17: Ka North Eastern Handicrafts and Handlooms Development Corporation (NEHHDC) hapoh ka Tnat Development of North Eastern Region (DoNER), Sorkar India ka la ioh ia ka syrnot Oeko- Tex na ka bynta u Eri Silk jong ka, na Germany.
Ia kane ka jingainam la ai ha ka jingrakhe sngi laitluid ba 78 jong ka ri. Kane ka jingjop kaba khraw ym tangba ka kyntiew ia ka jingsaindur tynrai jong ka thain hynrei ka wanrah ka jingithuh kylleng ka pyrthei ia u Eri Silk.
Dei tang u Eri Silk bym don ka bynta bad uno uno u mrad ha ka pyrthei, bad ka jingiapher ka long ba ha ka rukom pynmih ia une u Eri silk, ki thapbalong hapoh ka jingsop kim iap haba pynmih ia une u ksai.
Hynrei ki thapbalong ki mih hi na ka sop bad ieh ia kane ka sop ba ngin pyndonkam. Kane ka long ka bym ktah ia ka mariang bad dei hangne ba u Eri Silk u pher bad ka long kum ka dak jong ka jingsngewlem bad ka jingiaineh ha ka kam pynmih jain.
Ka syrnot Oeko-Tex, kaba long kaba eh ban ioh ka pynthikna ba la test ia ki jain ban lap ia kino kino ki bynta ba buh jingma ia ki briew bad ruh ban peit hato la pynmih ia kine ki jain ha ka rukom ka bym ktah ia ka mariang, kane ka dei ka jingithuh kaba khraw bha ia u Eri Silk.
Kane ka jingjop ka pynkhlain ruh ia ka kyrdan jong ka Eri Silk kum ka mar Geographical Indication (GI) jong ka Assam, kaba pyni ia ka jingkongsan jong ka ia ka thain.
Kane ka jingioh syrnot kalong ka sienjam kaba kongsan ban plié lad ia u Eri Silk ba kan poi sha ki iew kylleng ka pyrthei, ka jingpyniar ia ka jingpoi jong ka bad ka jingioh ka kyrdan kaba biang ha ka pyrthei.
Kane ka jingithuh ka pyni ia ka jingkut jingmut ka NEHHDC ban kyntiew bad pynneh ia ka deiriti ba riewspah jong ka Assam bad ruh ban pdiang ia ki rukom treikam kiba iaineh.
Une u mawmer u plié ia ki lad na ka bynta ka Eri Silk da kaba kyntiew ia ka ha ki iew jong ka pyrthei kum ka jain ka bym ktah ia ka mariang, bad ruh ka jingpyni ia ka lad kaba don ha ka thain ban nohsynniang sha ka kam pynmihjain jong ka pyrthei.
U Myntri Sorkar Pdeng ba dei khmihia ka Tnat Communications bad Development of North Eastern Region Jyotiraditya Scindiau la ai khublei ia ka kynhun jong ka NEHHHDC ha ka
