Shillong, Iaiong 07: Ki shipai BSF kiba don ha Dawki kila ioh ban kem ia u wei u khar Bangladesh na khappud ha ka sngi u blei, ka jingkem ia u ka long halor ki jingtip kaba kila ioh na ki tnad syntiar ba u dei wei na kiba don kti ha ki kam beain ha khappud.
Ki shipai BSF mar ia ioh ka jingtip kila khang kdong ia u tei khar Bangla u dang ialeh ban phet na ki jaka ba don ki shipai BSF ban leit na ka kti jong ki shipai, na ka liang jong ki BSF kila khang kdong haduh ban da ioh ban kem.
Haba ki BSF kila iob na kem bad tohkit la phla ha khmat ki shipai BSF ba ka kyrteng jong u ka dei Ibrahim na Sylhet District jong ka Bangladesh bad la phla ba u don kti ban pynrung briew na Bangladesh sha India, kum juh u nongai pyniakren ia kiba khaii beain.
Ki BSF ha dien bakila dep ban tohkit kakum ki kyndon ba ki dei ban leh kila aiti noh sha ki pulit kiba don ha Dawki ban leh ia kaba don kam katkum ka ain kane ka long ba ki BSF kin nym ailad da lei lei ban ioh rung ki briew na shiliang pud sha India.
