Shillong, Lber 17: Ki pulit jong ka East Khasi Hills District la pyntip ba kila ioh ban kem saw ngut ki briew kiba la shah kynnoh ba ki don kti ha ki kam tuh ia ki kali ar shaka na kylleng ka jylla.
Kiba la shah kem ha ki pulit ki long u Shabamutlang Syiemlieh, 23 snem, u Vencentstar Tongwah, 23 snem, u Kitborlang Mawlong, 21 snem, u Ayan Kharthangmaw, 21 snem bad u Royalroy Lyngdoh, 23 snem, ia ki ejahar la register ha ki police station bapher bapher.
Ha ka jingtohkit ki pulit kila iathuh ba baroh ki Bike bad ki Scotty kiba kila tuh la ai ha u wei u briew ha Ladrymbai, na ka liang ki pulit kila leit sha Ladrymbai bad la pynlong ia ka jingkhynra ha Ladrymbai Dongwah ha kabala ioh ioh kurup 6 tylli ki kali ar shaka.
Na kane ka jaka la ioh ruh ban kurup ia ki tiar jong ki kali ar shaka ia ba kila kurup lang bad thep ha ki byrn ban wan rah sha Shillong, ka jingtohkit ka dang iaid ban lap ia kiba don kti ha kane ka tam tuh kali ar shaka.
