Shillong, Kyllalyngkot 04: Ki pulit jong ka Ri Bhoi District ha dien ba kila ioh ia ka jingtip kila pynlong ia ka jingap ktem bad ha kane ka jingap ktem kila ioh ban bat ia u Ekramul Hussain bad ar ngut ki kynthei ka Nihar Begum bad ka Monjuwara Begum na 15miles ha Byrnihat Ri Bhoi District.
Ha ka jingtalasi ki pulit kila ioh ban kurup 22 tylli ki synduk sabon bad na kine la ioh ia u drok bala kot sha ka 254.16 gram bad la suba ba dei u Heroin, ki pulit kila ioh ruh ka pisa T.58,380/- tyngka na u tei u briew bad kawei ka mobile.
Na ka Monjuwara Begum la ioh ban kurup kawei ka mobile phones bad na ka Nihar Begum la ioh ban kurup kawei ka mobile phone na ka liang jong ki pulit ki dang pynlong ia ka jingtohkit ban lap shuh shuh ia kiba don kti ha kane ka kam khaii drok.
