New Delhi, Jymmang 28: Ka tnad syntiat ka sorkar pdeng kaba la tip kum ka “Directorate of Revenue Intelligence” kala trei borbah ban ia khun pyrshah ia ki kam khaii drok ha kane ka thain shatei Lammihngi ka Ri India.
Da ka jigniarap lang ka kynhun shipai jong ka Assam Riffle ba dei na ka 19 BN Assam Riffle kila ioh ban bat ia kawei ka trok ha Noney ha Manipur ha surok bah NH-37 ha ka 21.5.2025 bad kila ioh ban kurup 569 gram u geroin had 1,039 gram u methamphetamine tablets, ia u drok la buh rieh ha Shassis jong ka trok.
Ha kawei pat ka jingkhynra ka DRI da ka jingdon lang ki Assam Rifles FIU Unit Silchar ha ka 22.05.2025 kila ioh ban kurup haduh 2,640.53 grams u heroin na ka Trok ha Aloicherra, Hailakandi District, Assam na jaka iuh kjat jong ka trok.
Kine ki drok kiba la ioh ban kurup na Manipur bad Assam kala kot sha T.23.5 klur tyngka ha ka iew jong ka pyrthei bad la kem ruh saw ngut ki briew ia kine kiba la pynngat ha ka ka kyndon ain NDPS Act, 1985.
La pynkynmaw ba ha u bnai Kyllalyngkot mynta u snem 2025 ka DRI kala ioh ban kurup ia u drok na kylleng ki jylla kane ka thian Shatei Lamihngi ka Ri India kaba la kot sha ka T.173/- klur tyngka.
