New Delhi, Jylliew 02: Ka jingtrei shitom jong ka Directorate of Revenue Intelligence (DRI) ban ia khun pyrshah ia ki kam khaii drok ha kane ka thain kala ioh ban pynpulom ia ka jingiakhaii beain ha kaba la ioh ban kurup bun bah u kuli methamphetamine haTripura.
Ka ophis jong ka DRI kaba don ha Agartala ia kaba la kyrshan lang ia kin a ka kynhun shipai 28 Bn jong ka Assam Rifle kila bat ia kawei ka kali Maruti Wagon-R car ha ka 31/05/2025 namar la suba ba ka kit kuli methamphetamine.
Ia kane ka kali la ioh ban bat ha ruh jong ka shnong Teliamura katba ka dang wan na Dharmanagar bynta ba shatei jong ka jylla Tripura bad ka dang mut ban leit sha sepngi jong ka Agartala ha sep ngi jong ka jylla Tripura.
Haba kila bat ia kane ka kali bad haba la khynra la shem ba ia ki kuli methamphetamine la buhrieh ha ka bonnet jong ka kali bad haba la thew baroh ki long haduh 7 kilo bad ha dor jong u ha ka iew jong ka pyrthei kala kot sha ka T.7 klur tyngka, ka DRI kala iohban kem ar ngut ki briew ia ka ejahar la register hapoh jong ka Narcotic Drugs and Psychotropic Substances Act, 1985.
Naduh u ban Kylla lyngkot mynta u snem 2025 ka DRI kala ioh ban kurup kuli Methamphetamine ha duh T. 28.74 klur tyngka ha ka jylla Tripura bad ia kiba la kem la pynngat ha ka ain NDPS Act bad ka jingset phatok ka long haduh 10 snem.
