Shillong, Rymphang 09: Ka samla Senibi Syngkli na Shnong Umden Ri Bhoi District kaba la khmat iaka ri India ban leit iakhun sha ka Para World Armwrestling Cup 2026 kaba la long haka Ri Uzbekistan kaba la sdang naduh ka 31tarik u kyllalyngkot 2026 bad ka kut pat haka 7tarik u Rymphang 2026.
Ha kane ka jingiakop ka samla Senibi Syngkli kala wan phai sha la ka jong ka Ri bad sha la iing ha ka 8/2/2026 ha ryngkat bad ki 2tylli ki takma rynong, ka jingioh ia ka takma ka long kaei kaei ka jingsngew sarong iaka District Ri Bhoi iaka jylla Meghalaya bad iaka Ri India hi baroh.
Haka jing wan phai ka jong ka sha la ing naka liang ka Seng HNYF Northern Region bad ka Women’s Welfare Association jong ka Ri Bhoi kila pdiang sgewbha iaka tei ka samla ryngkat daki jain ryndia bad u Syntiew kaba la long ha syndah jong ka Office u DTO ka Ri Bhoi
Ka samlaSenibi Syngkli haba kren ha u SP News Agency kala pynpaw nyngkong ka jingsgewnguh ia u Blei nongbuh nongthaw ba kam shem la poi pyrkhat ba kan ioh long ka Captain naka Ri India ban ialam iaki nongiashim bynta hakatei ka lympung kaba heh kaba long sha Uzbekistan.
Bad ka la pynpaw ruh ba ka don ka jingangnud ban buh noh daka gym lade hapoh ka Shnong Umden lada ki nongmihkhmat paidbah lane ki Seng Bhalang kin iarap iaka ban pynshna daka gym ba ka don ka jing angnud ba ki khun samla kin lait naki jingdih kiba sniew. kala ai mynsiem iaki para samla kiba don sap haki bynta ki bapher bapher ba kin trei shitom bad trei minot ba kin poi sha ka thong jong ka jingjop.
